ଲକ୍ଡାଉନ୍ ଯୋଗୁ ବଲିଉଡ୍ କଳାକାରମାନେ ଘରେ ରହି ସମୟ ବିତାଉଛନ୍ତି। ଏହି ସମୟରେ ସେମାନେ ସୋସିଆଲ ମିଡିଆରେ ବହୁତ ଆକ୍ଟିଭ ରହୁଥିବା ଦେଖିବାକୁ ମିଳୁଛି। ଏଥିରୁ ବାଦ୍ ପଡ଼ି ନାହାନ୍ତି ଅଭିନେତ୍ରୀ କଟ୍ରିନା କୈଫ୍। ସେ ଘରେ ରହି ଭଉଣୀ ଇସାବେଲଙ୍କ ସହ ସମୟ ବିତାଉଛନ୍ତି। ଏହି ସମୟରେ ସେ ସୋସିଆଲ ମିଡିଆରେ ବହୁତ ଆକ୍ଟିଭ ରହିବା ସହ ପ୍ରଶଂସକଙ୍କୁ ନିଜ ବିଷୟରେ ସବୁ ସମୟରେ ଅପ୍ଡେଟ୍ ଦେଉଛନ୍ତି। ତେବେ ଏହି ସମୟରେ ଅଭିନେତ୍ରୀଙ୍କର ଏକ ଭିଡିଓ ଚର୍ଚ୍ଚାର ବିଷୟ ପାଲଟିଛି। ନିକଟରେ କଟ୍ରିନା ସୋସିଆଲ ମିଡିଆ ଇନ୍ଷ୍ଟାଗ୍ରାମ୍ରେ ଭୁଲରେ ଲାଇଭ୍ ଭିଡିଓ କରିଦେଇଥିଲେ। ଏହି ଭିଡିଓରେ ସେ ଦ୍ୱନ୍ଦରେ ପଡ଼ିଯାଇଥିବା ମନେହେଉଛି। ଭିଡିଓରେ ଭଉଣୀ ଇସାବେଲ ତାଙ୍କୁ ବୁଝାଉଥିବା ମଧ୍ୟ ଦେଖିବାକୁ ମିଳୁଛି।