ଦିଗପହଣ୍ଡି,୨୭।୧୦(ଡି.ଏନ.ଏ.)-ଦିଗପହଣ୍ଡି ବ୍ଲକ ଚୌଧୁରୀ ଟିକରପଡା ପଞ୍ଚାୟତ ବଜ୍ରଗୁମ୍ମା ଗଁ।ଅନୁସୂଚିତ ଜାତି ସାହିରେ ଶନିବାର ଭୋରରୁ ଘର ଭୁଶୁଡି ଜଣେ ଶିଶୁପୁତ୍ରଙ୍କ ମୃତ୍ୟୁ ଘଟିଛି। କାନ୍ଥତଳେ ଚାପି ହୋଇ ଅନ୍ୟ ୪ଜଣ ମଧ୍ୟ ଆହତ ହୋଇଛନ୍ତି। ଦିଗପହଣ୍ଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ସେମାନଙ୍କ ଚିକିତ୍ସା ଚାଲିଛି।
ଯେ, ସନ୍ତୋଷ କୁମାର ନାଇକ ଶୁକ୍ରବାର ରାତିରେ ଖାଇପିଇ ପରିବାର ସହ ତାଙ୍କ ନଡା ଛପର ଝାଟିମାଟି ଘରେ ଶୋଇଥିଲେ। ଲଗାଣ ବର୍ଷା ଯୋଗୁ ଭିଜି ରହିଥିବା ମାଟିକାନ୍ଥ ଶନିବାର ଭୋରରୁ ଭୁଶୁଡ଼ି ପଡିଥିଲା। ଏହାତଳେ ସନ୍ତୋଷଙ୍କ ସମେତ ସ୍ତ୍ରୀ ବନିତା, ମା’ ରାହାସ, କନ୍ୟା ପ୍ରିୟଙ୍କା, ୧୦ମାସର ପୁଅ ସନାତନ ଚାପି ହୋଇ ରହିଯାଇଥିଲେ। ଜୋରରେ ଶବ୍ଦ ହେବାରୁ ପାଖ ପଡୋଶୀ ଘଟଣା ସ୍ଥଳରେ ପହଞ୍ଚତ୍ ସମସ୍ତଙ୍କୁ ଭଙ୍ଗା ମାଟିକାନ୍ଥ ତଳୁ ଉଦ୍ଧାର କରି ଦିଗପହଣ୍ଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ସେଠାରେ ଡାକ୍ତର ଶିଶୁପୁତ୍ର ସନାତନଙ୍କୁ ମୃତ ଘୋଷଣା କରିଥିଲେ। ପ୍ରାଥମିକ ଚିକିତ୍ସା ପରେ ବନିତା ଓ ରାହାସଙ୍କ ଅବସ୍ଥା ସଙ୍କଟାପନ୍ନ ହେବାରୁ ବ୍ରହ୍ମପୁର ବଡ ମେଡିକାଲକୁ ସ୍ଥାନାନ୍ତର କରାଯାଇଛି।
ଖବର ପାଇ ଦିଗପହଣ୍ଡି ତହସିଲଦାର ଅଦ୍ୱୈତ କୁମାର ସ୍ବାଇଁ, ବିଡିଓ ହଳଧର ଶବର ଭୋର ପ୍ରାୟ ସାଢେ ୫ଟାରେ ବଜ୍ରଗୁମ୍ମା ଗଁ।ରେ ପହଞ୍ଚତ୍ ଘଟଣାର ତଦନ୍ତ କରିବା ସହ ସ୍ଥିତି ଅନୁଧ୍ୟାନ କରିଥିଲେ। ପରେ ଦିଗପହଣ୍ଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ପହଞ୍ଚତ୍ ଆହତମାନଙ୍କ ସ୍ବାସ୍ଥ୍ୟାବସ୍ଥା ପଚାରି ବୁଝିଥିଲେ। ଦିଗପହଣ୍ଡି ଥାନା ଅଧିକାରୀ ବସନ୍ତ କୁମାର ସେଠୀ ସ୍ବାସ୍ଥ୍ୟକେନ୍ଦ୍ରରେ ପହଞ୍ଚତ୍ କେ.ନୂଆଗଁ। ଥାନାକୁ ଖବର କରିଥିଲେ। ପୋଲିସ ଶିଶୁପୁତ୍ରଙ୍କ ମୃତଦେହ ଜବତ କରି ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ବଡ ମେଡିକାଲକୁ ପଠାଇଛି। ଏନେଇ କେ. ନୂଆଗାଁ ଥାନାରେ ନଂ.୧୭/୧୯ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଛି।
ଦୀର୍ଘଦିନ ହେଲା ଝାଟିମାଟି ଘରେ ଦୟନୀୟଭାବେ ସନ୍ତୋଷ ରହୁଥିଲେ ମଧ୍ୟ ତାଙ୍କୁ ଆବାସ ଯୋଜନାରେ ସାମିଲ କରାଯାଇନଥିଲା। ଏହା ସରକାରଙ୍କ ଆବାସ ଯୋଜନାର ବିଫଳତାକୁ ପଦାରେ ପକାଇଛି ବୋଲି ଗଞ୍ଜାମ ଜିଲା କଂଗ୍ରେସ ଉପସଭାପତି ପ୍ରଫୁଲ୍ଲ ପଣ୍ଡା ଅଭିଯୋଗ କରିଛନ୍ତି। ଦଳୀୟ କୁଜି ନେତାଙ୍କ ଜରିଆରେ ପିସି ନ ଦେଲେ ଆବାସ ଯୋଜନା କାର୍ଯ୍ୟାଦେଶ ମିଳୁ ନ ଥିବା ସେ କହିଛନ୍ତି। ଏନେଇ ଦିଗପହଣ୍ଡି ବିଧାୟକ ତଥା ବାଚସ୍ପତି ସୂର୍ଯ୍ୟ ନାରାୟଣ ପାତ୍ରଙ୍କ ଦୃଷ୍ଟି ଆକର୍ଷଣ କରିବାରୁ ଅଭିଯୋଗ ଅମୂଳକ ବୋଲି କହିଛନ୍ତି।
ବିଡିଓଙ୍କୁ ପଚାରିବାରୁ, ବଜ୍ରଗୁମ୍ମା ଗ୍ରାମର ସ୍ବର୍ଗତ ଅନାଦି ନାଇକଙ୍କ ସ୍ତ୍ରୀ ରାହାସଙ୍କୁ ୨୦୧୫-୧୬ରେ ଇନ୍ଦିରା ଆବାସ କାର୍ଯ୍ୟାଦେଶ ଦିଆଯାଇଥିଲା। ସେ ପ୍ରଥମ କିସ୍ତି ୧୫ ହଜାର ଟଙ୍କା ମଧ୍ୟ ନେଇଥିଲେ। ମାତ୍ର ଅଦ୍ୟାବଧି ଘର କରିନାହାନ୍ତି। ସେହି କାର୍ଯ୍ୟାଦେଶ ଦ୍ୱାରା ଘର ନିର୍ମାଣ ପାଇଁ ପୁଣିଥରେ ଅର୍ଥ ମଞ୍ଜୁର କରାଯିବ। ସେପର୍ଯ୍ୟନ୍ତ ପରିବାର ଲୋକେ ଗଁ। କୋଠଘରେ ରହିବେ ବୋଲି ବିଡିଓ କହିଛନ୍ତି।