ଅନ୍ୟତମ ପ୍ରମୁଖ ପ୍ରାକୃତିକ ବିପର୍ଯ୍ୟୟ ଭାବରେ ପରିଗଣିତ ଭୂକମ୍ପ ଦ୍ୱାରା ଆମର ଅଶେଷ କ୍ଷତି ହୋଇଥାଏ । ତେବେ ଏହି ସମୟରେ ଘରକୁ ସୁରକ୍ଷା ଦେବାର ଏକ ନୂଆ ଉପାୟ ଉଦ୍ଭାବିତ ହୋଇଛି। ‘ଭୂକମ୍ପ ଏବଂ ଘରର ସୁରକ୍ଷା’ ଶୀର୍ଷକ ବିଷୟବସ୍ତୁକୁ ନେଇ ଆମେରିକାସ୍ଥିତ କାଲିଫର୍ନିଆ ବିଶ୍ୱବିଦ୍ୟାଳୟର ବିଶେଷଜ୍ଞମାନେ ଏକ ଗବେଷଣା କରିଥିଲେ। ସେମାନେ ଏପରି ଏକ ଘର ତିଆରି କରିଛନ୍ତି ଯାହା ଭୂମିକମ୍ପ ହେବା ମାତ୍ରେ ଭୂପୃଷ୍ଠଠାରୁ କିଛି ଉପରକୁ ଉଠିଯିବ। ଘରର ତଳଭାଗରେ ଏକ ଉଚ୍ଚ ଶକ୍ତିସମ୍ପନ୍ନ ଇଞ୍ଜିନ ସହ ଚୁମ୍ବକ ସଂଯୋଗ କରାଯାଇଛି। ଫଳରେ ଭୂମିକମ୍ପ ହେଲେ ଘରର କୌଣସି କ୍ଷତି ହେବ ନାହିଁ। ଭୂମିକମ୍ପର ସୂଚନା ମିିଳିବା ମାତ୍ରେ ଉକ୍ତ ଇଞ୍ଜିନକୁ ଷ୍ଟାର୍ଟ କରିଦିଆଯିବ ଏବଂ ତତ୍କ୍ଷଣାତ ଘରଟି ଉପରକୁ ଉଠିଯିବ ବୋଲି କହିଛନ୍ତି ଏହି ଗବେଷଣାର ମୁଖ୍ୟ ଗ୍ରେଗ୍ ହେଡେରସନ୍। ଉକ୍ତ ପ୍ରଣାଳୀକୁ ‘ସେକ୍ ଆଲର୍ଟ’ ନାମରେ ନାମିତ କରାଯାଇଛି। ଏହି ଇଞ୍ଜିନକୁ ଷ୍ଟାର୍ଟ କରିବାକୁ ସେଥିରେ ଉଚ୍ଚ ଶକ୍ତିବିଶିଷ୍ଟ ବ୍ୟାଟେରି ସଂଯୋଗ କରାଯାଇଛି।