ଥଣ୍ଡା ଥଣ୍ଡା ଆଇସ୍ କ୍ୟୁବ୍କୁ ସୌନ୍ଦର୍ଯ୍ୟ ବୃଦ୍ଧି ପାଇଁ ବି ବ୍ୟବହାର କରିପାରିବେ। ଏହା ବିଭିନ୍ନ ପନିପରିବା ରସରେ ତିଆରି ହୋଇଥିବାରୁ ତ୍ୱଚା ପାଇଁ ବରଦାନ ପାଲଟିଯିବ। ଜାଣନ୍ତୁ କିପରି…
ଆଳୁ,ଟମାଟୋ ଏବଂ କାକୁଡ଼ି ରସର ମିଶ୍ରଣରେ ପ୍ରସ୍ତୁତ ଆଇସ୍ କ୍ୟୁବ୍ ତ୍ୱଚାରୁ ବ୍ରଣ, କଳା ଓ ଧଳା ଦାଗ ଏବଂ ଅଣ୍ଡର ଆର୍ମସ୍ରେ ଥିବା କଳାଦାଗ ଦୂର କରିଥାଏ।
ଟମାଟୋ ଏବଂ ଲେମ୍ବୁ ରସକୁ ଆଇସ୍ ଟ୍ରେରେ ରଖି ଆଇସ୍ କ୍ୟୁବ୍ ପ୍ରସ୍ତୁତ କରନ୍ତୁ। ଏକ ସୂତା କପଡ଼ାରେ ଏହାକୁ ରଖି ଦିନକୁ ୨ ଥର ତ୍ୱଚାର ଡାର୍କ ସର୍କଲରେ ଧୀରେ ଧୀରେ ଘଷନ୍ତୁ। ଏହା ତ୍ୱଚାକୁ ଆର୍ଦ୍ର ତଥା କୋମଳ ରଖିବା ସହ କ୍ଲିଞ୍ଜର ଏବଂ ଟୋନରର କାମ କରିଥାଏ। ତ୍ୱଚାରୁ କଳାଦାଗ ବି କମିଥାଏ।
ଆଳୁରସରେ ପ୍ରସ୍ତୁତ ଆଇସ୍ କ୍ୟୁବ୍ ତ୍ୱଚାରେ ମସାଜ୍ କରନ୍ତୁ। ଏପରି କଲେ ପୋର୍ସ ଖୋଲିଯିବା ସହ ତ୍ୱଚା ଟାଇଟ୍ ହୋଇଥାଏ। ଆଖି ତଳର କଳାଦାଗ ବି ଦୂର ହୋଇଥାଏ।
ଟ୍ୟାନିଂ, ମୁହଁରେ ଥିବା କଳା ବା ଧଳା ଦାଗ, ବ୍ରଣ ଆଦି ସମସ୍ୟାରୁ ରକ୍ଷା ପାଇବା ପାଇଁ କାକୁଡ଼ି ଏବଂ ନିମ୍ବପତ୍ରର ରସ ମିଶାଇ ଆଇସ୍ କ୍ୟୁବ୍ ପ୍ରସ୍ତୁତ କରନ୍ତୁ। ଏହାକୁ ମୁହଁ, ବେକ, ହାତ ଏବଂ କହୁଣିରେ ଲଗାଇ ଘଷନ୍ତୁ। ୧୫ରୁ ୨୦ ମିନିଟ୍ ପରେ ଏହାକୁ ଧୋଇଦିଅନ୍ତୁୁ। ଏହା ସହ ଆପଣ ଲେମ୍ବୁରସ ବି ମିଶାଇପାରିବେ।
ଏଲୋଭେରା ଜେଲ୍କୁ ଆଇସ୍ ଟ୍ରେରେ ରଖି ଆଇସ୍ କ୍ୟୁବ୍ ପ୍ରସ୍ତୁତ କରନ୍ତୁ। ଏହି କ୍ୟୁବ୍କୁ ଆଖି ଏବଂ ମୁହଁରେ ୧୦ ରୁ ୧୫ ମିନିଟ୍ ପର୍ଯ୍ୟନ୍ତ ଘଷନ୍ତୁ। ଏହାଦ୍ୱାରା ଆଖିର ଥକାପଣ ବି ଦୂର ହୋଇଥାଏ। ତ୍ୱଚାରେ ଚମକ ବି ଆସିଥାଏ।
ଟ୍ୟାନିଂ ଏବଂ ବ୍ରଣ ଦୂରକରିବା ପାଇଁ କାକୁଡ଼ିରସ ସହ ଗୋଲାପଜଳ ମିଶାଇ ଆଇସ୍ କ୍ୟୁବ୍ ପ୍ରସ୍ତୁତ କରନ୍ତୁ। ଆଉ ତାକୁ ମୁହଁରେ ମସାଜ କରନ୍ତୁ। କିଛିଦିନ ଏପରି କଲେ ଫରକ୍ ନିଜେ ଜାଣିପାରିବେ।