ଭେଡ଼େନ,୨୧୪ (ଡ଼ି.ଏନ.ଏ.): ବରଗଡ଼ ଜିଲା ଭେଡ଼େନଠାରେ ମଙ୍ଗଳବାର ପ୍ରଶାସନ ମାସ୍କ ପିନ୍ଧି ନ ଥିବା ଯାତ୍ରୀଙ୍କଠାରୁ ଫାଇନ ଆଦାୟ କରିଛି। ଭେଡ଼େନ ଟ୍ରେକର ଷ୍ଟାଣ୍ଡଠାରେ ତହସିଲଦାର ସୀମା ସବିତା କୁଲୁଙ୍କ ନେତୃତ୍ୱରେ ହୋଇଥିବା ଏହି ଧରପଗଡ଼ରେ ୩୦ ଜଣ ମାସ୍କ ପିନ୍ଧି ନ ଥିବା ବ୍ୟକ୍ତିଙ୍କଠାରୁ ୬ହଜାର ଟଙ୍କା ଫାଇନ ଆଦାୟ କରାଯାଇଛି। କେବଳ ମାସ୍କ ନ ପିନ୍ଧିବା ନୁହଁ ଏହାସହ ସାମାଜିକ ଦୂରତ୍ୱ ନ ମାନିଲେ ତଥା ସର୍ବସାଧାରଣ ସ୍ଥାନରେ ଛେପ ପକାଇଲେ ମଧ୍ୟ ଏପରି ଫାଇନ ଆଦାୟ କରାଯାଉଛି ବୋଲି ତହସିଲଦାର କୁଲୁ ପ୍ରକାଶ କରିଛନ୍ତି। ଏହି ଧରପଗଡ଼ରେ ଭେଡ଼େନ ଆରଆଇ ଥକିତ ନାୟକ, ଅମିନ ଦିନେଶ ସାହୁ ପୋଲିସ ହାବିଲଦାର ଏମ.ଏନ. ସାହୁ ପ୍ରମୁଖ ସାମିଲ ହୋଇଥିଲେ।