କରୋନା ମହାମାରୀ ଭିତରେ ଲୋକଙ୍କୁ ସାହାଯ୍ୟ କରିବାକୁ ଆଗେଇ ଆସିଛନ୍ତି କ୍ରିକେଟର୍। ଭାରତୀୟ କ୍ରିକେଟର ହୁଅନ୍ତୁ କି ବିଦେଶୀ, ସମସ୍ତେ ଏହି କଠିନ ସମୟରେ ଆଗକୁ ଆସିଛନ୍ତି। ଏହି ତାଲିକାରେ ଦକ୍ଷିଣ ଆଫ୍ରିକାର ପୂର୍ବତନ ଅଧିନାୟକ ଫାଫ୍ ଡୁ ପ୍ଲେସି ମଧ୍ୟ ସାମିଲ ହୋଇଛନ୍ତି। ସ୍ତ୍ରୀ ଇମାରିଙ୍କ ସହ ମିଶି ନିଜ ଦେଶରେ ପ୍ରାୟ ୩୫ ହଜାର ପିଲାଙ୍କୁ ଖାଇବାକୁ ଦେଉଛନ୍ତି। କରୋନା ଯୋଗୁ ଏହି ପିଲାମାନଙ୍କୁ ଅସୁବିଧାର ସାମ୍ନା କରିବାକୁ ପଡୁଛି। ଫାଫ୍ଙ୍କ ସହ ଚେନ୍ନାଇ ସୁପର କିଙ୍ଗ୍ସ ପାଇଁ ଖେଳିଥିବା ସୁରେଶ ରାଇନା ଏହି ଉଦ୍ୟମ ପାଇଁ ତାଙ୍କୁ ପ୍ରଶଂସା କରିଥିଲେ। ସେ ଟୁଇଟ୍ କରି ଲେଖିଛନ୍ତି, ଫାଫ୍ଙ୍କ ପାଇଁ ଆମେ ଗର୍ବିତ। ଇମାରି ସହିତ, ତୁମେ ଭୋକିଲା ପିଲାମାନଙ୍କୁ ଖାଇବାକୁ ଦେଉଛ। ସାହାଯ୍ୟ ପାଇଁ ଆଗକୁ ଆସିବାକୁ ମୁଁ ଲୋକଙ୍କୁ ଅନୁରୋଧ କରୁଛି ବୋଲି ରାଇନା ଲେଖିଛନ୍ତି।