ନୂଆଦିଲ୍ଲୀ,୮ା୧୦: ମଇଁଷି ପଲଙ୍କୁ ଧକ୍କା ଦେବାର ଦିନକ ପରେ ଗାନ୍ଧୀନଗର-ମୁମ୍ବାଇ ବନ୍ଦେ ଭାରତ ଏକ୍ସପ୍ରେସ୍ ଶୁକ୍ରବାର ଗୁଜରାଟର ଆନନ୍ଦ ଷ୍ଟେଶନ ନିକଟରେ ଏକ ଗାଈକୁ ଧକ୍କା ଦେଇଛି। ଫଳରେ ଟ୍ରେନ୍ ସମ୍ମୁଖ ବମ୍ପର ଚାପିହୋଇ ଯାଇଛି। ଏହି ଦୁର୍ଘଟଣା ଯୋଗୁ ଏକ୍ସପ୍ରେସ୍ ଟ୍ରେନ୍ ସେଠାରେ ୧୦ ମିନିଟ ଅଟକି ରହିଥିଲା। ଗତ ମାସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବନ୍ଦେ ଭାରତ ଏକ୍ସପ୍ରେସ୍ର ଚଳାଚଳ ଶୁଭାରମ୍ଭ କରିବା ସହ ଏଥିରେ ଯାତ୍ରା କରିଥିଲେ। ଗୁରୁବାର ଉକ୍ତ ଟ୍ରେନ୍ ଏକ ମଇଁଷି ପଲଙ୍କୁ ଧକ୍କା ଦେବାରୁ ଏହାର ସମ୍ମୁଖ ଭାଗ କ୍ଷତଗ୍ରସ୍ତ ହୋଇଥିଲା। ସଙ୍ଗେ ସଙ୍ଗେ ଟ୍ରେନ୍କୁ ମରାମତି କରାଯାଇଥିବାବେଳେ ମଇଁଷି ମାଲିକଙ୍କ ବିରୋଧରେ ଏତଲା ଦିଆଯାଇଛି।
