ଓ୍ବଶିଂଟନ: ମଙ୍ଗଳକୁ ନାସାର ରୋବୋଟିକ ମିଶନ-ଦି ମାର୍ସ ୨୦୨୦ ରୋଭର ମଙ୍ଗଳ ପୃଷ୍ଠର କିଭଳି ଭଲଭାବେ ଫଟୋ ନେଇପାରିବ ତାହା ଉପରେ ଏକ ପରୀକ୍ଷା କରାଯାଇଛି। ଏହାକୁ ରୋଭରର ‘ଆଏ’ ଟେଷ୍ଟ କୁହାଯାଉଛି। ଏଥିରେ ଓ୍ବାଇଡ- ଆଙ୍ଗଲ୍ ଲ୍ୟାଣ୍ଡ୍ସ୍କେପ ଓ ନ୍ୟାରୋ – ଆଙ୍ଗଲ୍ ହାଇ ରିଜୋଲ୍ୟୁଶନ ଜୁମ୍ ଲେନ୍ସ କ୍ୟାମେରା ସହ ଦୁଇଟି ନ୍ୟାଭି କ୍ୟାମେରା, ୪ଟି ହ୍ୟାଜକ୍ୟାମ୍, ଦି ସୁପରକ୍ୟାମ ଏବଂ ଦୁଇଟି ମାଷ୍ଟକ୍ୟାମ-ଜେଡ୍କୁ ରୋଭର ସମ୍ମୁଖରେ ଓ ଉପରେ ଲଗାଯାଇ ପରୀକ୍ଷା କରାଯାଇଛି। ଏହାପରେ‘୨୦୨୦ ରୋଭର’ର ଆର୍ମ ଓ ପଛରେ ଏହିି ସବୁ କ୍ୟାମେରା ଖଞ୍ଜାଯାଇ ପରୀକ୍ଷା କରାଯିବ ବୋଲି ନାସା ପକ୍ଷରୁ କୁହାଯାଇଛି। ଦି ମାର୍ସ ୨୦୨୦ ରୋଭର ମଙ୍ଗଳରେ ଜୀବ ଥିଲେ କି ନାହିଁ ତା’ର ସନ୍ଧାନ କରି ମଙ୍ଗଳ ପୃଷ୍ଠରୁ ଏହା ସପକ୍ଷରେ କିଛି ସାମ୍ପଲକୁ ଟ୍ୟୁବରେ ସଂଗ୍ରହ କରି ରଖିବ, ଯାହା ଭବିଷ୍ୟତରେ ହେବାକୁ ଥିବା ମଙ୍ଗଳ ମିଶନରେ ପୃଥିବୀକୁ ଅଣାଯାଇପାରିବ। ୨୦୨୦ରେ ଯେତେବେଳେ ଏହି ରୋଭର ମଙ୍ଗଳ ଅଭିମୁଖେ ଯିବ ତାହା ସଦ୍ୟ ବିକଶିତ ଅତ୍ୟାଧୁନିକ ଯନ୍ତ୍ରକୁ ନେଇଯିବ।