ନୂଆଦିଲ୍ଲୀ,୧୫।୬: ଦେଶରେ କରୋନା ସଂକ୍ରମଣ ଯୋଗୁ ଲକ୍ଡାଉନ୍ ଜାରି ରହିଛି। ଏପରିସ୍ଥଳେ ସୋସିଆଲ୍ ମିଡ଼ିଆରେ ଶେୟାର କରାଯାଇଥିବା ଏକ ଭିଡ଼ିଓକୁ ନେଇ ଚର୍ଚ୍ଚା ଜାରି ରହିଛି। ଏହାକୁ ଆଇପିଏସ୍ ଅଫିସର ଦୀପାଂଶୁ କାବରା ଶେୟାର କରିଛନ୍ତି। ୫୩ ସେକେଣ୍ଡର ଏହି ଭିଡ଼ିଓରେ ରାସ୍ତାରେ ପରସ୍ପରକୁ ଭେଟି ଥିବା ଦୁଇ ଗୋଧିଙ୍କୁ ଦେଖିବାକୁ ମିଳୁଛି। ସେମାନେ ମଣିଷ ଭଳି ପରସ୍ପରକୁ କୁଣ୍ଢାଇ ଆଲିଙ୍ଗନ କରୁଥିବାର ଭିଡ଼ିଓରେ ଦେଖିବାକୁ ମିଳୁଛି। ଦୀପାଂଶୁ ଏଡି ଭିଡ଼ିଓକୁ ଜୁନ୍ ୧୨ ପୂର୍ବାହ୍ନ ୮ଟା ୨୨ରେ ଶେୟାର କରିଛନ୍ତି। ଦୁଇ ଗୋଧିଙ୍କ ଏଭଳି କାର୍ଯ୍ୟକୁ ରାସ୍ତାରେ ଯାଉଥିବା ଲୋକେ ଅଟକି ରହି ଦେଖୁଥିବାର ମଧ୍ୟ ଭିଡ଼ିଓରେ ଦେଖାଯାଉଛି। ଇତିମଧ୍ୟରେ ଏହି ଭାଇରାଲ ଭିଡ଼ିଓକୁ ୨୦ ହଜାରରୁ ଅଧିକ ୟୁଜର ଦେଖିଥିବାବେଳେ ୨ ହଜାର ଲାଇକ୍ ମିଳିଛି।