କୋରୁକୋଣ୍ଡା,୩।୧(ଡି.ଏନ୍.ଏ.) – ବର୍ଷାକୁ ଆଖି ଆଗରେ ରଖି ପ୍ରଶାସନ ପକ୍ଷରୁ ମାଲକାନଗିରି ଜିଲାର ସମସ୍ତ ମଣ୍ଡି ଆଗାମୀ ୫ ତାରିଖ ପର୍ଯ୍ୟନ୍ତ ବନ୍ଦ କରାଯାଇଛି। କିନ୍ତୁ ପୂର୍ବରୁ ମଣ୍ଡିରେ ପଡିଥିବା ଧାନକୁ ଏଯାଏ ମିଲରମାନେ ଉଠାଉ ନ ଥିବା ଅଭିଯୋଗ ହୋଇଛି। ମାଲକାନଗିରି ଜିଲା କୋରୁକୋଣ୍ଡା ଲ୍ୟାମ୍ପ୍ସ ଅଧୀନରେ ଥିବା ୧୨ଟି ମଣ୍ଡିରୁ ୧୦ରୁ ଧାନ ଏବେ ଉଠିନି। କୋରୁକୋଣ୍ଡା ମଣ୍ଡିରେ ୭୪୩୪, କାମଓ୍ବାଡାରେ ୫୧୮୯, ପିଟାକଟାରେ ୩୪୩୩, ନିଲାକାମ୍ବେରୁରେ ୮୮୩୯, ମାରିଓ୍ବାଡାରେ ୩୯୩୭, ପୋଟ୍ରୋଲରେ ୫୩୩୪, ତାରଲାକୋଟାରେ ୪୭୯୧, ଡୁପମେଟାରେ ୪୯୯୯ ଓ ତିମଟାପଲ୍ଲୀରେ ୪୫୦ ଧାନ ବସ୍ତା ଏବେ ସୁଦ୍ଧା ପଡି ରହିଛି। ବର୍ଷା ସମ୍ଭାବନା ସତ୍ତ୍ୱେ ଧାନ ଘୋଡାଇବା ନିମନ୍ତେ ଆବଶ୍ୟକ ପାଲ ନ ଥିବା ଚାଷୀ ଅଭିଯୋଗ କରିଛନ୍ତି। କିଛି ଚାଷୀ ନିଜସ୍ବ ପାଲ ଆଣି ଧାନ ଘୋଡାଉଥିବା ଦୃଶ୍ୟ ଦେଖିବାକୁ ମିଳିଛି। ଏହାଛଡ଼ା ମିଲର ଧାନ ଉଠାଉ ନ ଥିବାରୁ ମଣ୍ଡିରୁ ଚୋରି ହେଉଥିବା ମଧ୍ୟ ଅଭିଯୋଗ ହୋଇଛି। ଏ ନେଇ ବ୍ଲକ ଯୋଗାଣ ଅଧିକାରୀ ବମ୍କେଶ ମାଝିଙ୍କୁ ଯୋଗାଯୋଗ କରିବାରୁ ମିଲରମାନଙ୍କ ଟାର୍ଗେଟ ପୂରା ହୋଇ ସାରିଛି। ଖୁବ୍ଶୀଘ୍ର ଏହାର ସମାଧାନ କରାଯିବ ବୋଲି କହିଛନ୍ତି।