Advertisement

ମଣ୍ଡିରେ ଗଜା ହେଉଛି ଧାନ

ମୋହନଗିରି,୨୮।୪(ଡି.ଏନ.ଏ.): କଳାହାଣ୍ଡି ଜିଲା ମ.ରାମପୁର ବ୍ଲକ ଅଧୀନ ମୋହନଗିରି ଅଞ୍ଚଳର ୧୧ ଜଣ ଚାଷୀ ୪୫୦ କୁଇଣ୍ଟାଲ ଧାନ ବିକିବାକୁ ଜାନୁୟାରୀରୁ ମୋହନଗିରି ସେବା ସମବାୟ ସମିତି ମଣ୍ଡିରେ ଜଗିଛନ୍ତି। ହେଲେ ଧାନ ଉଠୁନି। ଶେଷରେ ବର୍ଷା ଏବଂ କାକରରେ ଭିଜି ଭିଜି ୧୦୦ କୁଇଣ୍ଟାଲରୁ ଅଧିକ ଧାନ ଗଜା ହୋଇ ନଷ୍ଟ ହୋଇ ଗଲାଣି। ଏ ନେଇ ଚାଷୀ ବାରମ୍ବାର ମ.ରାମପୁର ତହସିଲଦାର ଓ ଜିଲାପାଳଙ୍କ ଦ୍ୱାରସ୍ଥ ହୋଇଛନ୍ତି। ହେଲେ କିଛି ଫଳ ମିଳୁନାହିଁ। ଚଳିତ ବର୍ଷ ମୋହନଗିରି ସେବା ସମବାୟ ସମିତି ତରଫରୁ ୩୦, ୮୦୦ କୁଇଣ୍ଟାଲ ଧାନ କିଣା ଯାଇଥିଲା। ହେଲେ ଏହି ୧୧ ଜଣ ଚାଷୀଙ୍କ ଧାନ କେଉଁଥିପାଇଁ କିଣା ଯାଇ ପାରିଲା ନାହିଁ ସେ ସମ୍ପର୍କରେ ସମବାୟ ସମିତିର ଡାଟା ଅପରେଟର ତଥା ସମ୍ପାଦକ ଦାୟିତ୍ୱରେ ଥବା ଟୁକୁସାନ ଧାରୁଆଙ୍କୁ ପଚାରିବାରୁ ଇ ଟୋକନ ବ୍ୟବସ୍ଥାରେ ସଂପୃକ୍ତ ଚାଷୀମାନଙ୍କ ନାମ ପାଞ୍ଜୀକରଣ ହୋଇ ନ ପରିବା ଓ ଆସିଥିବା ଟୋକନ ଖାରଜ ହୋଇ ଯିବା ଆଦି କାରଣରୁ ରହିଯାଇଥିବା ଧାନ ଉଠି ପାରିଲା ନାହିଁ ବୋଲି କହିଛନ୍ତି।

Subscribe to Dharitri WhatsApp ChannelSubscribe to Dharitri WhatsApp Channel

Share