ବେଗୁନିଆପଡ଼ା,୧୪ା୬(ଡି.ଏନ.ଏ.)-ବେଗୁନିଆପଡ଼ା ବ୍ଲକ ଷଣ୍ଢମୂଳ ପଞ୍ଚାୟତ ଶାଳବଣ ଗ୍ରାମରୁ ଓଡ୍ର ଖଣ୍ଡାୟତ କାଳିଞ୍ଜି ଓଡ଼ିଆ ସମାଜ ପକ୍ଷରୁ ମଦମୁକ୍ତି ଆନ୍ଦୋଳନ ଆରମ୍ଭ ହୋଇଛି। ବ୍ଲକ ଅନ୍ତର୍ଗତ ନୂଆଗଡ଼ କାଳିଞ୍ଜି ସମାଜ ପକ୍ଷରୁ ସଭାପତି ମୁକୁନ୍ଦ ମାଧବ ସ୍ବାଇଁ, ସମ୍ପାଦକ ପ୍ରକାଶ ଚନ୍ଦ୍ର ଭୂୟାଁ, ଉପସଭାପତି ରମେଶ ଚନ୍ଦ୍ର ସ୍ବାଇଁ, ଉପଦେଷ୍ଟା ଦେବରାଜ ଭୂୟାଁ, ଭ୍ରମରବର ଭୂୟାଁ, ବୁଲା ଜେନା, ରଙ୍କନାଥ ସ୍ବାଇଁ, ପଦ୍ମ ଚରଣ ସ୍ବାଇଁଙ୍କ ନେତୃତ୍ୱରେ ଶାଳବଣସ୍ଥିତ ରାଧାକୃଷ୍ଣ ମନ୍ଦିରରେ ଏଥିପାଇଁ ମହାସମାବେଶ ହୋଇଥିଲା । ପୂର୍ବରୁ ଶାଳବଣକୁ ମଦମୁକ୍ତ ଗ୍ରାମ କରାଯାଇଥିବା ବେଳେ ଏବେ କାଳିଞ୍ଜି ପରିବାର ରହୁଥିବା ସମସ୍ତ ଗ୍ରାମରେ ମଦମୁକ୍ତି ଆନ୍ଦୋଳନକୁ ତୀବ୍ର କରିବା ପାଇଁ ନିଷ୍ପତ୍ତି ନିଆଯାଇ ଏହି ଅଭିଯାନ ଆରମ୍ଭ ହୋଇଛି । ଶୁକ୍ରବାର ଶାଳବଣ ଠାରୁ ଏକ ବାଇକ୍ ରାଲି ବାହାରି ୪ ପଞ୍ଚାୟତ ଯଥା ଷଣ୍ଢମୂଳ, ତାଳସର, ଅଙ୍ଗାରଗାଁ, କୁମ୍ଭାରଗାଁର ସମସ୍ତ ଗ୍ରାମକୁ ଯାଇଥିଲା। ମଦ କିଭଳି ସମାଜ ଓ ପରିବାର ଉପରେ କୁପ୍ରଭାବ ପକାଉଛି ଲୋକଙ୍କୁ ସଚେତନ କରାଯାଇଥିଲା। ପ୍ରତ୍ୟେକ ଗ୍ରାମରେ ବୈଠକ କରି ମଦ ବର୍ଜନ କରିବାକୁ ଅନୁରୋଧ କରାଯାଇଥିଲା। ସମାବେଶରେ ୫ ୧୦୦୦ରୁ ଅଧିକ ଲୋକ ସାମିଲ ଥିଲେ।