ବେଗୁନିଆପଡ଼ା,୧୫ା୫(ଡି.ଏନ.ଏ.)- କରୋନା କଟକଣାର ଫାଇଦା ନେଇ ଅସାଧୁ ମଦ ବେପାରୀ ମାତିଛନ୍ତି। ବେଗୁନିଆପଡ଼ା ଫାଣ୍ଡି ଅଧିକାରୀ ଦୀପ୍ତି ରଞ୍ଜନ ବେହେରା ଶୁକ୍ରବାର ଶାଳବଣ ଛକରେ ପାଟ୍ରୋଲିଂବେଳେ ବାଇକରେ ମଦ ନେଇ ଯାଉଥିବା ୩ ଜଣଙ୍କୁ ଗିରଫ କରିବା ସହ ୬ଶହ ଲିଟର ମଦ ଓ ବାଇକ ଜବତ କରିଛନ୍ତି। ଗିରଫମାନେ ହେଲେ ଦିବାକର ଶବର, ରମେଶ ଶବର ଓ ଲାଖିଆ ଶବର। ଖଲ୍ଲିକୋଟ ଥାନା ବାଦପଲ୍ଲୀ ପଞ୍ଚାୟତ ଗୁଣ୍ଡୁରୁପଲ୍ଲୀ ଅଞ୍ଚଳରୁ ଏମାନେ ମଦ ନେଇ ଆସୁଥିଲେ। ଘଟଣାରେ ବ୍ୟବହୃତ ୩ ବାଇକକୁ ମଧ୍ୟ ପୋଲିସ ଜବତ କରିଛି।