ହାଟଡିହୀ,୬ା୬(ସ୍ବ.ପ୍ର.): କେନ୍ଦୁଝର ଜିଲା ହାଟଡିହୀ ବ୍ଲକ ଅନ୍ତର୍ଗତ ଜଳକଳଙ୍ଗ ଗ୍ରାମର ସନ୍ନ୍ୟାସୀ ମାଝୀଙ୍କ ପୁଅ ରାଜୁ (୪୦) ଅତ୍ୟଧିକ ମଦ୍ୟପାନ କରି ବୁଧବାର ଅପରାହ୍ନରେ ହାଟଡିହୀ ମେଡିକାଲରେ ପଶି ଆଟେଣ୍ଡାଣ୍ଟ୍ ପ୍ରଶାନ୍ତ ନାୟକଙ୍କୁ ମାଡ଼ ମାରିଥିବା ଅଭିଯୋଗ ହୋଇଛି। ଏଥିସହିତ ସେଠାରେ ଥିବା ଉପକରଣ ଫିଙ୍ଗାଫିଙ୍ଗିି କରି କାର୍ଯ୍ୟରତ ଦିଦିମାନଙ୍କୁ ଅଶ୍ଳୀଳ ଭାଷାରେ ଗାଳିଗୁଲଜ କରିଥିବା ମେଡିକାଲ ପକ୍ଷରୁ ଥାନାରେ ଲିଖିତ ଅଭିଯୋଗ ହୋଇଛି। ତୁରନ୍ତ ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗହଣ କରା ନ ଗଲେ ମେଡିକାଲ ଷ୍ଟାଫ୍ କାର୍ଯ୍ୟରେ ଯୋଗ ଦେବେ ନାହିଁ ବୋଲି ଦାୟିତ୍ୱରେ ଥିବା ଫାର୍ମାସିଷ୍ଟ ରାମଚନ୍ଦ୍ର ଜେନା ଜଣାଇଛନ୍ତିି ା ରାଜୁଙ୍କ କିଛି ସମର୍ଥକ କେସ୍ଟିକୁ ସମାଧାନ ପାଇଁ ମେଡିକାଲ ଷ୍ଟାଫ୍ଙ୍କ ଉପରେ ଚାପ ପକାଉଥିବାର ଶୁଣାଯାଉଛି ା ରାଜୁଙ୍କ ନାମରେ ପୂର୍ବରୁ ବହୁ ଅପରାଧିକ ମାମଲା ନନ୍ଦୀପଦା ଥାନାରେ ଥିବା ଜଣାପଡ଼ିଛି। ଅଧିକାଂଶ ସମୟରେ ହାଟଡିହୀରେ ମଦ୍ୟପମାନେ ଏପରି କାଣ୍ଡ ଘଟାଉଥିଲେ ହେଁ ସେମାନଙ୍କ ବିରୋଧରେ ଦୃଢ କାଯର୍ର୍ୟାନୁଷ୍ଠାନ ହେଉ ନ ଥିବାରୁ ଏଭଳି ବାରମ୍ବାର ଘଟିଚାଲିଛି ା ହାଟଡିହୀରେ ଅଧିକାଂଶ ଦୋକାନରେ ଚୋରାମଦ ଅବାଧରେ ବିକ୍ରି ଚାଲିଥିଲେ ମଧ୍ୟ ପୋଲିସ କାର୍ଯ୍ୟାନୁଷ୍ଠାନ ନେଉ ନ ଥିବା ଅଭିଯୋଗ ହେଉଛି ା ଏଣୁ ଚୋରା ମଦବିକ୍ରିକୁ ସମ୍ପୂର୍ଣ୍ଣ ବନ୍ଦ କରାଯିବା ସହିତ ଅଭିଯୁକ୍ତଙ୍କୁ ଉପଯୁକ୍ତ ଦଣ୍ଡ ଦିଆଯିବାକୁ ସାଧାରଣରେ ଦାବି ହେଉଛି।