ହାତୀଓଟ,୪ା୧୧: ପୋଲସରା ବ୍ଲକ ମନ୍ଦାର ଗ୍ରାମପଞ୍ଚାୟତର ମାଳତିବାଡ଼ିରେ ମଦ ବିକ୍ରିକୁ ବନ୍ଦ କରିବା ପାଇଁ ଗତ ଗୁରୁବାର ଗ୍ରାମର ୧୦ଟି ସ୍ବୟଂ ସହାୟିକା ଗୋଷ୍ଠୀର ସଦସ୍ୟାମାନେ କହିଥିଲେ। କିନ୍ତୁ ମଦ ବିକ୍ରେତା ୩ ଦିନ ହେଲା ବିକ୍ରି ବନ୍ଦ କରି ନ ଥିଲେ। ଫଳରେ ରବିବାର ସନ୍ଧ୍ୟା ୭ଟାରେ ସ୍ବୟଂ ସହାୟିକା ଗୋଷ୍ଠୀର ସଭ୍ୟାମାନେ ଏକତ୍ରିତ ହୋଇ ବିକ୍ରେତାଙ୍କ ଘରୁ ମଦ ଛଡ଼ାଇ ଆଣି ନିଆଁ ଲଗାଇ ଦେଇଥିଲେ। ଏହି ସମୟରେ କେତେଜଣ ଦୁର୍ବୃତ୍ତ ଆନ୍ଦୋଳନକାରୀ ମହିଳାଙ୍କୁ ମାଡ଼ ମାରିବା ସହ ଖରାପ ପ୍ରଦର୍ଶନ ବ୍ୟବହାର କରିଥିବା ସେମାନେ ପୋଲସରା ଥାନା ଅଭିଯୋଗ କରିଛନ୍ତି। ଖବର ପାଇ ଏଏସ୍ଆଇ ବାବୁଲାଲ ରାଉଳଙ୍କ ସହ ଏଏସ୍ଆଇ ମାଝି ଘଟଣାସ୍ଥଳରେ ପହଞ୍ଚତ୍ ଉଭୟ ପକ୍ଷଙ୍କୁ ବୁଝାଶୁଝା କରିବାରୁ ପରିସ୍ଥିତି ଶାନ୍ତ ପଡ଼ିଛି। ମହିଳାମାନଙ୍କୁ ଖରାପ ବ୍ୟବହାର କରିଥିବା ବ୍ୟକ୍ତିମାନଙ୍କୁ ସୋମବାର ଥାନାକୁ ଆସିବା ପାଇଁ ଏଏସ୍ଆଇ ରାଉଳ କହିଛନ୍ତି।