ରେମୁଣା,୧୮।୯(ଡି.ଏନ୍.ଏ.): ବାଲେଶ୍ୱର ଜିଲା ଖନ୍ତାପଡ଼ା ଥାନା ସେରଗଡ଼ ପଞ୍ଚାୟତ ୯ନଂ ଓ୍ବାର୍ଡରେ ମଙ୍ଗଳବାର ଏକ ଅଭାବନୀୟ ଘଟଣା ଘଟିଛି। ମଦ ନିଶାରେ ଜଣେ ସ୍ବାମୀ ସ୍ତ୍ରୀଙ୍କୁ ହତ୍ୟା କରିଥିବା ସୂଚନା ମିଳିଛି। ମୃତକ ହେଲେ ବାସନ୍ତି ସିଂ(୩୦)। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ପ୍ରାଥମିକ ତଦନ୍ତ ଆଧାରରେ ଏକ ମାମଲା ରୁଜୁ କରି ଅଭିଯୁକ୍ତ ସ୍ବାମୀ ଭରତ ସିଂଙ୍କୁ ଅଟକ ରଖିଛି।
ଭରତ, ସ୍ତ୍ରୀ ବାସନ୍ତୀ ଏବଂ ଦୁଇ ଶଳା ସନ୍ଧ୍ୟାରେ ଭୋଜି କରି ଖାଇବା ସହ ମଦ୍ୟପାନ କରିଥିଲେ। ଅତ୍ୟଧିକ ନିଶା ଯୋଗୁ ସାହି ବାସିନ୍ଦା ସେମାନଙ୍କୁ ନେଇ ଘରେ ଛାଡ଼ିଥିଲେ। ପରେ ରାତି ୮ଟା ସମୟରେ ଭରତ ସାହିଲୋକଙ୍କୁ ବାସନ୍ତୀ ଉଠୁ ନ ଥିବା କହି ଡାକିଥିଲେ। ସାହି ଲୋକେ ଘରେ ପହଞ୍ଚି ବାସନ୍ତୀ ମରି ପଡ଼ିଥିବା ଦେଖି ଖନ୍ତାପଡ଼ା ଥାନାକୁ ଖବର ଦେଇଥିଲେ। ପୋଲିସ ପହଞ୍ଚି ପ୍ରାଥମିକ ତଦନ୍ତ କରି ଭରତଙ୍କୁ ଥାନାରେ ଅଟକ ରଖିଛି।