ହାତୀଓଟ,୧ା୧୧- ପୋଲସରା ବ୍ଲକ ମନ୍ଦାର ପଞ୍ଚାୟତର ମାଳତୀବାଡି ଗ୍ରାମରେ ମଦ ବିକ୍ରିକୁ ସମ୍ପୂର୍ଣ୍ଣ ବନ୍ଦ କରିବାକୁ ଗୁରୁବାର ଗ୍ରାମର ଏସ୍ଏଚ୍ଜି ମହିଳାମାନେ ମନ୍ଦାର – ଆସିକା ମୂଖ୍ୟ ରାସ୍ତାକୁ ଟାୟାର ଜାଳି ଅବରୋଧ କରିଥିଲେ। ପ୍ରକାଶ ଯେ, ଦୁଇଦିନତଳେ ଗ୍ରାମର ୮ଟି ଏସ୍ଏଚ୍ଜି ଗ୍ରୁପ୍ ଗ୍ରାମରେ ବେଆଇନ୍ ମଦ ବିକ୍ରକୁ ସମ୍ପୂର୍ଣ୍ଣ ବନ୍ଦ କରିବାକୁ ନିଷ୍ପତ୍ତି ନେଇ ଦସ୍ତଖତ ନିଆଯାଇଥିଲା। ଗୁରୁବାର ଗ୍ରାମର ସମସ୍ତ ପୁରୁଷ ଓ ମହିଳା ମିଶି ମଦ ବନ୍ଦକୁ ନେଇ ବିକ୍ଷୋଭ ସହ ରାସ୍ତା ଅବରୋଧ କରିଥିଲେ। ସ୍ଥାନୀୟ ସରପଞ୍ଚ କାଳୀଚରଣ ନାୟକଙ୍କ ଘରକୁ ଯାଇ ତାଙ୍କ ଦସ୍ତଖତ ମଧ୍ୟ ସଂଗ୍ରହ କରାଯାଇଥିଲା। ଏନେଇ ମହିଳାମାନେ କହିଛନ୍ତି ଗ୍ରାମରେ ମଦ ବିକ୍ରିକୁ ନେଇ ସର୍ବଦା ଅଶାନ୍ତି ଲାଗି ରହୁଛି। ତେଣୁ ଏହାକୁ ସମ୍ପୂର୍ଣ୍ଣ ବନ୍ଦ କରିବାକୁ ନିଷ୍ପତି ନେଇ ପ୍ରତିବାଦ କରିଲୁ ବୋଲି କହିଛନ୍ତି। ଏନେଇ ଏକ ଦାବିପତ୍ର ପୋଲସରା ଥାନା, ଗଞ୍ଜାମ ଜିଲାପାଳ ଓ ଅବକାରୀ ବିଭାଗ କବିସୂର୍ଯ୍ୟନଗର କାର୍ଯ୍ୟାଳୟକୁ ପଠାଯାଇଥିବା ଜଣାପଡିଛି।