ଭୋପାଳ,୨।୯: ବେଶ୍ କିଛି ମାସ ହେବ ଲୋକ ସଭା ନିର୍ବାଚନ ସରିଥିଲେ ମଧ୍ୟ କଂଗ୍ରେସ ଏପର୍ଯ୍ୟନ୍ତ ଯେମିତି ଏଥିରୁ ବାହାରି ପାରି ନାହିଁ। କାରଣ ଏପର୍ଯ୍ୟନ୍ତ ଦଳ ମଧ୍ୟରେ ଲାଗି ରହିଥିବା ସମସ୍ୟା ଗୁଡିକ ସମାଧାନ ହୋଇ ପାରୁନାହିଁ। ଦଳ ଏପର୍ଯ୍ୟନ୍ତ ନା ନିଜର ଅଧ୍ୟକ୍ଷ ପଦ ସ୍ଥିର କରି ପାରୁଛି ନା ମଧ୍ୟପ୍ରଦେଶ କଂଗ୍ରେସର ଅଧ୍ୟକ୍ଷ ପଦ ପୂରଣ ହୋଇ ପାରୁଛି। ଫଳରେ କର୍ମକର୍ତ୍ତାଙ୍କ ଚାପରେ ଏକ ପ୍ରକାର ଶ୍ୱାସରୁଦ୍ଧ ହୋଇ ଗଲାଣି କଂଗ୍ରେସ। ମଧ୍ୟପ୍ରଦେଶ ଅଧ୍ୟକ୍ଷ ପଦକୁ ନେଇ କେତେଜଣ ନେତାଙ୍କ ନାଁ ସାମ୍ନାକୁ ଆସିଥିବା ବେଳେ ଜ୍ୟୋତିରାଦିତ୍ୟ ସିନ୍ଧିଆଙ୍କୁ ଏହି ପଦ ମିଳୁ ବୋଲି ବହୁ ଆଗରୁ ତାଙ୍କ ସମର୍ଥକମାନେ ଦାବି କରି ଆସୁଛନ୍ତି। ଆଉ ଏବେ ଏହା ଜୋର୍ ଧରିଛି। କାରଣ ନିକଟରେ ଗ୍ବାଲିୟରରେ ଏହାକୁ ନେଇ ପୋଷ୍ଟର ଓ୍ବାର ଆରମ୍ଭ ହୋଇଯାଇଛି। ଏଠାରେ ଜ୍ୟୋତିରାଦିତ୍ୟ ସିନ୍ଧିଆଙ୍କର ଏକ ପୋଷ୍ଟର ଲଗାଇ କର୍ମୀମାନେ ତାଙ୍କୁ ଅଧ୍ୟକ୍ଷ ଭାବେ ନିର୍ବାଚତ କରିବାକୁ ଦାବି କରିଛନ୍ତି।
