ଭୁବନେଶ୍ୱର, ୨୮।୨(କ୍ରୀଡ଼ା ପ୍ରତିନିଧି)- ଖେଲୋ ଇଣ୍ଡିଆ ବିଶ୍ୱବିଦ୍ୟାଳୟ କ୍ରୀଡ଼ାରେ ଓଡ଼ିଶା ପାଇଁ ଦ୍ୱିତୀୟ ସ୍ବର୍ଣ୍ଣ ପଦକ ଜିତିଛନ୍ତି ଭାରୋତ୍ତୋଳକ ମନୋଜ କୁମାର ସାହୁ। ସେ ପୁରୁଷ ୭୩ କେଜି ଭାରୋତ୍ତୋଳନ ବିଭାଗରେ ବ୍ରହ୍ମପୁର ବିଶ୍ୱବିଦ୍ୟାଳୟ ପାଇଁ ପ୍ରଥମ ସ୍ବର୍ଣ୍ଣ ପଦକ ଅର୍ଜନ କରିଛନ୍ତି। ଏଥିସହ ବ୍ରହ୍ମପୁର ବିଶ୍ୱବିଦ୍ୟାଳୟ ପଦକ ସଂଖ୍ୟା ୨(୧ ସ୍ବର୍ଣ୍ଣ, ୧ ରୌପ୍ୟ)ରେ ପହଞ୍ଚତ୍ଛି। ବ୍ରହ୍ମପୁର ବିଶ୍ୱବିଦ୍ୟାଳୟ ପକ୍ଷରୁ ପ୍ରତିନିଧିତ୍ୱ କରୁଥିବା ପ୍ରମିଳା କିର୍ସାନୀ ପୂର୍ବରୁ ମହିଳା ୫୫ କେଜି ବିଭାଗରେ ଏକ ରୌପ୍ୟ ପଦକ ହାସଲ କରିଛନ୍ତି। ଗୁରୁବାର ଅନୁଷ୍ଠିତ ପୁରୁଷ ୭୩ କେଜି ଇଭେଣ୍ଟରେ ମନୋଜ ମୋଟ ୨୬୭ କେଜି ଭାରୋତ୍ତୋଳନ କରି ପ୍ରଥମସ୍ଥାନ ଅଧିକାର କରିଥିଲେ। ସେ ସ୍ନାଚ୍ରେ ୧୧୫ ଓ କ୍ଲିନ ଆଣ୍ଡ ଜର୍କରେ ୧୫୨ କେଜି ଭାର ଉଠାଇଥିଲେ। ପଞ୍ଜାବ ବିଶ୍ୱବିଦ୍ୟାଳୟର ମନୀଷ କୁମାର ୨୫୩(୧୧୪+୧୩୯) ଏବଂ ପଟିଆଲା ପଞ୍ଜାବୀ ବିଶ୍ୱବିଦ୍ୟାଳୟର ଲଭପ୍ରୀତ ସିଂ ୨୫୩(୧୧୩+୧୪୦) କେଜି ଭାରୋତ୍ତୋଳନ କରି ଯଥାକ୍ରମେ ରୌପ୍ୟ ଓ ବ୍ରୋଞ୍ଜ ପଦକ ପାଇଛନ୍ତି। ମନୋଜଙ୍କ ସଫଳତା ସହିତ ପ୍ରତିଯୋଗିତାରେ ଓଡ଼ିଶା ପ୍ରତିଯୋଗୀଙ୍କ ପଦକ ସଂଖ୍ୟା ୫ରେ ପହଞ୍ଚତ୍ଛି। ପୂର୍ବଦିନ କିଟ୍ ବିଶ୍ୱବିଦ୍ୟାଳୟକୁ ଗୋଟିଏ ଲେଖାଏ ସ୍ବର୍ଣ୍ଣ, ରୌପ୍ୟ ଓ ବ୍ରୋଞ୍ଜ ସହ ୩ ପଦକ ମିଳିଥିଲା।
ମାମୁଁ , ଅଜାଙ୍କଦ୍ୱାରା ଅନୁପ୍ରାଣିତ
”ମଁୁ ସ୍ବର୍ଣ୍ଣ ପଦକ ଜିତିଥିବାରୁ ଅତ୍ୟନ୍ତ ଆନନ୍ଦିତ। ଆଗକୁ ଏହିପରି ପଦକ ରାଜ୍ୟଗୋଷ୍ଠୀ କ୍ରୀଡ଼ା, ଅଲମ୍ପିକ୍ସ ଏବଂ ଏସିଆଡ୍ରେ ପାଇବାକୁ ଆଶା ରଖିଛି ା ପିଲାଦିନେ ମଁୁ ମୋ ଅଜା ଏବଂ ମୋ ମାମଁୁଙ୍କଠାରୁ ବହୁତ ଅନୁପ୍ରାଣିତ ହୋଇଥିଲି ା ଛୁଆଦିନେ ମାମଁୁ ଭାରୋତ୍ତୋଳନ କରୁଥିବା ଦେଖି ମଁୁ ଏହି ଗେମ୍ ପ୍ରତି ଆକର୍ଷିତ ହୋଇଥିଲି ା ୧୦ମ ଶ୍ରେଣୀ ପାସ୍ ହେବା ପରେ ମୋର
