ନୂଆଦିଲ୍ଲୀ,୨୩।୬: ଦିଲ୍ଲୀର ଭାଜପା ଅଧ୍ୟକ୍ଷ ମନୋଜ ତିଓ୍ବାରିଙ୍କୁ ହତ୍ୟା ଧମକ ମିଳିଥିବା ନିଜେ ମନୋଜ କହିଛନ୍ତି। ତାଙ୍କ ଫୋନକୁ ଏକ ଏସ୍ଏମ୍ଏସ୍ ଦେଇ ଜଣେ ବ୍ୟକ୍ତି ତାଙ୍କୁ ହତ୍ୟା କରିବାକୁ କହିଥିବା ସେ ପ୍ରକାଶ କରିଛନ୍ତି। ଏହାସହ ଉକ୍ତ ବ୍ୟକ୍ତି ଜଣଙ୍କ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ମଧ୍ୟ ହତ୍ୟା କରିବାକୁ ଧମକ ଦେଇଥିବା ମନୋଜ କହିଛନ୍ତି। ଏହାକୁ ନେଇ ତିଓ୍ବାରି ପୋଲିସରେ ଅଭିଯୋଗ କରିଛନ୍ତି। ହିନ୍ଦୀରେ ଲେଖା ଯାଇଥିବା ଏହି ଏସ୍ଏମ୍ଏସ୍ ପରେ ଉକ୍ତ ବ୍ୟକ୍ତି ଜଣଙ୍କ ପୁଣିଥରେ କ୍ଷମା ମାଗିଥିବା ପ୍ରକାଶ। ସୂଚନାଯୋଗ୍ୟ, ଶୁକ୍ରବାର ଦିନ ପ୍ରାୟ ୧୨ ଟା ୫୨ରେ ତିଓ୍ବାରିଙ୍କ ମୋବାଇଲକୁ ଏହି ଏସ୍ଏମ୍ଏସ୍ଟି ଆସିଥିବା କହିଛନ୍ତି ଭାଜପାର ମିଡିଆ ରିଲେଶନ ମୁଖ୍ୟ ନିଳକଣ୍ଠ ବକ୍ସି।