ପାଟନା,୧୫।୨: ବିହାରରେ ମୁଖ୍ୟମନ୍ତ୍ରୀ ନୀତୀଶ କୁମାରଙ୍କ ସରକାରରେ ମନ୍ତ୍ରୀଙ୍କୁ ନ ଚିହ୍ନି ପାରିବାରୁ ଜଣେ ସବ୍-ଇନସ୍ପେକ୍ଟରଙ୍କୁ ଚାକିିରିରୁ ନିଲମ୍ବିତ କରାଯାଇଛି। ସ୍ବାସ୍ଥ୍ୟମନ୍ତ୍ରୀ ମଙ୍ଗଳ ପାଣ୍ଡେ ସ୍ଥାନୀୟ ସିଓ୍ବାନ ଅଞ୍ଚଳକୁ ଏକ ହସ୍ପିଟାଲର ଶିଳାନ୍ୟାସ କାର୍ଯ୍ୟକ୍ରମରେ ଯୋଗଦେବାକୁ ଯାଇଥିଲେ। ରାଜ୍ୟ ସରକାରଙ୍କ କେତେକ ମନ୍ତ୍ରୀ ଏହି କାର୍ଯ୍ୟକ୍ରମରେ ଯୋଗଦେଇଥିଲେ। ଏଠାରେ ସଂସ୍କୃତିମନ୍ତ୍ରୀ ପ୍ରମୋଦ କୁମାର ଗୁପ୍ତାଙ୍କୁ ସୁରକ୍ଷା କାର୍ଯ୍ୟରେ ମୁତୟନ ଥିବା ସବ୍-ଇନସ୍ପେକ୍ଟର ଗଣେଶ ଚୌହ୍ବାନ ନ ଚିହ୍ନି ପାରି ଭିତରକୁ ଛାଡ଼ି ନ ଥିଲେ। ଏଥିରେ ଉତ୍କ୍ଷୀପ୍ତ ହୋଇ ସ୍ବାସ୍ଥ୍ୟ ମନ୍ତ୍ରୀ ମଙ୍ଗଳ ପାଣ୍ଡେ ସବ୍-ଇନସ୍ପେକ୍ଟରଙ୍କୁ ନିଲମ୍ବନ କରିବାକୁ ଏସ୍ଡିପିଓ ଜିତେନ୍ଦ୍ର ପାଣ୍ଡେଙ୍କୁ ନିର୍ଦ୍ଦେଶ ଦେଇଥିଲେ। ଏହାର ୨୮ ସେକେଣ୍ଡର ଏକ ଭିଡ଼ିଓ ଏବେ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି। ଭିଡ଼ିଓରେ ମଙ୍ଗଳ ପାଣ୍ଡେ ମନ୍ତ୍ରୀଙ୍କୁ ଚିହ୍ନି ପାରୁ ନ ଥିବା ସବ୍-ଇନସ୍ପେକ୍ଟରଙ୍କୁ ନିଲମ୍ବିତ କରିବା ଲାଗି କହୁଥିବାର ଦେଖିବାକୁ ମିଳୁଛି।