ଅଯୋଧ୍ୟା, ୧୪ା୧୧ : ଅଯୋଧ୍ୟାରେ ରାମମନ୍ଦିର ନିର୍ମାଣ ଲାଗି ସରକାର ନୂଆ ଟ୍ରଷ୍ଟ ଗଠନ କରିବାର ଆବଶ୍ୟକତା ନାହିଁ ବୋଲି ରାମ ଜନ୍ମଭୂମି ନ୍ୟାସ ମୁଖ୍ୟ ମହନ୍ତ ନୃତ୍ୟଗୋପାଳ ଦାଶ ବୁଧବାର ପ୍ରକାଶ କରିଛନ୍ତି। ବିଶ୍ୱହିନ୍ଦୁ ପରିଷଦ ଦ୍ୱାରା ପରିଚାଳିତ ରାମ ଜନ୍ମଭୂମି ନ୍ୟାସ ଏବେ କାର୍ଯ୍ୟକ୍ଷମ ରହିଛି। ଏଥିରେ କେତେକ ନୂଆ ସଦସ୍ୟଙ୍କୁ ନେଇ ନୂତନତ୍ୱ ପ୍ରଦାନ କରିବାକୁ ସେ ମତ ଦେଇଛନ୍ତି। ହେଲେ ରାମ ଜନ୍ମଭୂମି ସହ ଜଡ଼ିତ ଥିବା ଦିଗମ୍ବର ଆଖଡ଼ା ମୁଖ୍ୟ ମହନ୍ତ ସୁରେଶ ଦାଶ ଭିନ୍ନ ମତ ଦେଇ ସୁପ୍ରିମକୋର୍ଟଙ୍କ ନିର୍ଦ୍ଦେଶ ମୁତାବକ କେନ୍ଦ୍ର ସରକାର ନୂଆ ଟ୍ରଷ୍ଟ ଗଠନ କରିବା ଦରକାର ବୋଲି କହିଛନ୍ତି।