ନୂଆଦିଲ୍ଲୀ, ୨୮।୭- ମୁମ୍ବାଇର ବରେଲିସ୍ଥିତ ଏନ୍ଏସ୍ସିଆଇ ଡୋମଠାରେ ଶନିବାର ୟୁ ମୁମ୍ବା ଓ ପୁନେରି ପଲଟନ ମଧ୍ୟରେ ଖେଳାଯାଇଥିବା ମ୍ୟାଚ୍ରେ ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ସ୍ବତନ୍ତ୍ର ଅତିଥି ଭାବେ ଯୋଗଦେଇଥିଲେ। ମ୍ୟାଚ୍ ପୂର୍ବରୁ କୋହଲି ଜାତୀୟ ସଙ୍ଗୀତ ଗାଣ କରିଥିଲେ। ଟୁଇଟରରେ ଶେୟାର ହୋଇଥିବା ଏହାର ଭିଡିଓକୁ ପ୍ରଶଂସକମାନେ ଖୁବ୍ ପସନ୍ଦ କରିବା ସହ କୋହଲିଙ୍କୁ ପ୍ରଶଂସା କରିଛନ୍ତି। କୋହଲି ମ୍ୟାଚ୍ରେ ଉଭୟ ଦଳର ଟ୍ୟାକେଲ ଓ ରେଡ୍ ଉପଭୋଗ କରୁଥିବା କ୍ୟାମେରାରେ ଦେଖିବାକୁ ମିଳିଥିଲା। ଜାତୀୟ ଆଇକନକୁ ଜାତୀୟ ସଙ୍ଗୀତ ଗାଣ କରୁଥିବାର ଦେଖିବାଠାରୁ ଆଉ ଭଲ ଅନୁଭୂତି ନାହିଁ। କୋହଲି ଜଣେ କିମ୍ବଦନ୍ତୀ କ୍ରିକେଟର। ଆମେ ତାଙ୍କ ପାଇଁ ଗର୍ବିତ ବୋଲି ପ୍ରଶଂସକମାନେ ଟୁଇଟ୍ କରିଛନ୍ତି।