କୋଲକାତା,୨୯।୧୧: ପଶ୍ଚିମବଙ୍ଗର ଧର୍ମତଲାଠାରେ ବୁଧବାର ଆୟୋଜିତ ଏକ ଜନ ସମାବେଶରେ କେନ୍ଦ୍ର ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ରାଜ୍ୟ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ନିନ୍ଦା କରିଛନ୍ତି।
ଅମିତ ଶାହା କହିଛନ୍ତି, ଯେଉଁ ରାଜ୍ୟରେ ଏତେ ଅନୁପ୍ରବେଶ ଅଛି ସେଠାରେ କେବେ ବିକାଶ ହୋଇପାରିବ ନାହିଁ। ସେଥିପାଇଁ ମମତା ବାନାର୍ଜୀ ସିଏଏକୁ ବିରୋଧ କରୁଛନ୍ତି। ସିଏଏ ହେଉଛି ଦେଶର ନିୟମ ଏବଂ ଏହାକୁ କେହି ରୋକି ପାରିବେ ନାହିଁ। ଆମେ ଏହାକୁ କାର୍ଯ୍ୟକାରୀ କରିବୁ।
ଭାଜପା ପଶ୍ଚିମବଙ୍ଗରେ ସରକାର ଗଠନ କରିବ ଏବଂ ୨୦୨୪ ନିର୍ବାଚନରେ କ୍ଷମତାକୁ ଆସିବ। ସେ କହିଛନ୍ତି ମୁଁ ଆଜି ଡାକିବାକୁ ଆସିଛି, ଯଦି ୨୦୨୬ରେ ଏଠାରେ ଭାଜପା ସରକାର ଗଠନ କରିବାକୁ ପଡିବ। ତେବେ ୨୦୨୪ ଲୋକସଭା ନିର୍ବାଚନରେ ଏହାର ମୂଳଦୁଆ ପକାଇବ ଏବଂ ନରେନ୍ଦ୍ର ମୋଦିଙ୍କୁ ଦେଶର ପ୍ରଧାନମନ୍ତ୍ରୀ କର ବୋଲି ଶାହା ଲୋକଙ୍କୁ ଆହ୍ବାନ ଦେଇଛନ୍ତି।
