କୋଲକାତା,୧୧।୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କର ଦୁଇ ଦିନିଆ ପଶ୍ଚିମବଙ୍ଗ ଗସ୍ତ କାର୍ଯ୍ୟକ୍ରମରେ ଶନିବାର ସନ୍ଧ୍ୟାରେ କୋଲକାତାରେ ପହଞ୍ଚିଛନ୍ତି। ସେଠାରେ ସେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଭେଟିଛନ୍ତି। ଏହି ସାକ୍ଷାତ୍କାର ସମୟରେ ପଶ୍ଚିମବଙ୍ଗ ସିଏଏ, ଏନ୍ପିଆର୍ ଓ ଏନ୍ଆର୍ସକୁ ବିରୋଧ କରେ ବୋଲି ମୋଦିଙ୍କୁ ମମତା କହିଥିଲେ। ସିଏଏ ଓ ଏନ୍ଆର୍ସକୁ ଫେରାଇ ନିଆଯାଉ ବୋଲି ମଧ୍ୟ ମମତା ମୋଦିଙ୍କୁ କହିଥିବା ସୂଚନା ମିଳିଛି। କୋଲକାତା ପୋର୍ଟ ଟ୍ରଷ୍ଟର ୧୫୦ତମ ବାର୍ଷିକୀ ଉତ୍ସବରେ ମୋଦି ଯୋଗ ଦେବାର କାର୍ଯ୍ୟକ୍ରମ ରହିଛି। ଏହାସହ ଆହୁରି କିଛି କାର୍ଯ୍ୟକ୍ରମରେ ମଧ୍ୟ ସେ ଯୋଗ ଦେବେ। ଏହି ସମୟରେ ପୁନଃନିର୍ମିତ କିଛି ଐତିହାସିକ ସ୍ଥଳକୁ ରାଷ୍ଟ୍ର ଉଦ୍ଦେଶ୍ୟରେ ମଧ୍ୟ ଉତ୍ସର୍ଗ କରାଯିବ। ମୋଦିଙ୍କ ଏହି ଗସ୍ତ ପୂର୍ବରୁ ତାଙ୍କୁ ଷ୍ଟୁଡେଣ୍ଟ ଫେଡେରେଶନ ଅଫ୍ ଇଣ୍ଡିଆ ପକ୍ଷରୁ ବିରୋଧ କରାଯାଇଛି।