ବାରଣାସୀ,୪।୬: ପଶ୍ଚିମବଙ୍ଗରେ ‘ଜୟ ଶ୍ରୀରାମ’ ସ୍ଲୋଗାନକୁ ନେଇ ରାଜନୀତି ମାହୋଲ ସରଗରମ ଥିବା ବେଳେ ଏବେ ଏଥିରେ ଘିଅ ଢାଳିଛନ୍ତି କାଶୀର କେତେଜଣ ସାଧୁ। ସୋମବାର କାଶୀର ସନ୍ଥ ସମାଜ ପକ୍ଷରୁ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ନିକଟକୁ ଡାକ ଯୋଗେ ଏକ ‘ଶ୍ରୀରାମଚରିତ ମାନସ’ ପୁସ୍ତକ ପଠାଯାଇଛି। ଏହାସହ ଉକ୍ତ ପୁସ୍ତକଟିକୁ ମମତା ନିଜେ ପଢିବାକୁ ସାଧୁମାନଙ୍କ ତରଫରୁ ଅନୁରୋଧ ମଧ୍ୟ କରାଯାଇଛି। ସୂଚନାଯୋଗ୍ୟ, କିଛିଦିନ ତଳେ ମମତାଙ୍କ ସାମ୍ନାରେ ‘ଜୟ ଶ୍ରୀରାମ’ ସ୍ଲୋଗାନ୍ ଦେବାରୁ ସେ ଖପ୍ପା ହୋଇ ଯାଇଥିଲେ ଓ ଯିଏ ଏମିତି କହିବ ସେ ତା’ର ଛାଲ ଉତ୍ତାରି ଦେବେ ବୋଲି କହିଥିଲେ। ଏହାପରେ ଏହି ସ୍ଲୋଗାନକୁ ନେଇ ଭାଜପା ଓ ମମତା ବାନାର୍ଜୀଙ୍କ ଦଳ ତ୍ରୁଣ ମୂଳ କଂଗ୍ରେସ ମଧ୍ୟରେ ଲାଗି ରହିଛି ବିବାଦ।