ଚେଷ୍ଟାକରି କେହି କାହାକୁ ସ୍ନେହ କିମ୍ବା ମମତା ଦେଇପାରେନା। ତାହା ସ୍ବତଃପ୍ରବୃତ୍ତ ଭାବରେ ହୃଦୟରୁ ହିଁ ଝରିଥାଏ। ସେମିତି ଜଣେ ମହିଳା ହେଉଛନ୍ତି ଏଲିଜାବେଥ ଲୟର୍ଡ଼। ସେ ଅନ୍ୟମାନଙ୍କ ପାଇଁ ସ୍ନେହର ଭଣ୍ଡାର। ବିଶେଷକରି ଦେଶକୁ ସୀମାନ୍ତରେ ଅହରହ ଜଗି ରହିଥିବା ସୈନ୍ୟଙ୍କ ପାଇଁ ସେ ଜଣେ ମମତାମୟୀ ମା’। ସେ ସବୁସମୟରେ ସୈନ୍ୟମାନଙ୍କୁ ଭେଟନ୍ତି। ଆଉ ସେମାନଙ୍କୁ ଆଲିଙ୍ଗନ କରି ସ୍ନେହ ଅଜାଡ଼ି ଦେଇଥାନ୍ତି। ବିଗତ ଏକ ଦଶନ୍ଧୀ ଧରି ସେ ଏହି କାମ କରି ଆସୁଛନ୍ତି। ଦିନେ ଏକ ଆର୍ମି ବାରାକ୍କୁ ବୁଲି ଯାଇଥିଲେ ସେ। ସେଠାରେ ଜଣେ ସୈନ୍ୟଙ୍କୁ ଆଲିଙ୍ଗନ କରିଥିଲେ। ପରେ ଜାଣିଲେ ଯେ, ସେହି ସୈନ୍ୟଜଣକ ଯୁଦ୍ଧକୁ ଯାଉଛନ୍ତି। ତାଙ୍କର ମମତା ତାଙ୍କୁ ଉତ୍ସାହିତ କରିଛି। ବାସ୍, ଏହାପରେ ସେ ଏହାକୁ ଏକ ମିଶନ ବୋଲି ଧରିନେଲେ। ଏବେ ସେ ହେଉଛନ୍ତି ସୈନ୍ୟମାନଙ୍କ ପାଇଁ ମମତାମୟୀ ମା’। ଏଥିପାଇଁ ତାଙ୍କୁ ବହୁ ସମ୍ମାନ ଓ ସ୍ବୀକୃତି ମିଳିଛି। ବିଭିନ୍ନ ସ୍ଥାନରେ ତାଙ୍କୁ ସମ୍ବର୍ଦ୍ଧନା ପ୍ରଦାନ କରାଯାଇଛି। ମାତ୍ର ଏଲିଜାବେଥ୍ କହନ୍ତି, ସୈନ୍ୟମାନଙ୍କୁ ଆଲିଙ୍ଗନ କରି ସେମାନଙ୍କୁ ମା’ର ସ୍ନେହ ଦେବା ହେଉଛି ତାଙ୍କ ପାଇଁ ସବୁଠୁ ବଡ଼ ଆନନ୍ଦ।
