ନୂଆଦିଲ୍ଲୀ,୪-୬:ଅଣକ୍ୟାପ୍ଟିଭ ବା ମର୍ଚ୍ଚାଣ୍ଟ ଖଣିର ଲିଜ୍ ଅବଧି ବଢାଇବା ଲାଗି ଖଣିଜ ସଂଘ ଫିମି ପକ୍ଷରୁ ସରକାରଙ୍କ ଥିଙ୍କ ଟ୍ୟାଙ୍କ ନୀତି ଆୟୋଗକୁ ଦିଆଯାଇଥିବା ପ୍ରସ୍ତାବକୁ ଇସ୍ପାତ ଏବଂ ପେଲେଟ ନିର୍ମାତାମାନେ ବିରୋଧ କରିଛନ୍ତି। ଲିଜ ଅବଧି ଆସନ୍ତା ବର୍ଷ ମାର୍ଚ୍ଚରେ ସୁରୁଥିବାରୁ ଲୁହା ପଥର ଯୋଗାଣରେ ଏହା ଅସୁବିଧା ସୃଷ୍ଟି କରିବ ବୋଲି ଫିମି ସରକାରଙ୍କୁ କହିଛି। ମାତ୍ର ଫେମି ପକ୍ଷରୁ ସରକାରଙ୍କୁ ଯେଉଁ ପ୍ରସଙ୍ଗରେ କୁହାଯାଇଛି ତାହା ବିଭ୍ରାନ୍ତିକର ବୋଲି ପେଲେଟ୍ ମାନୁଫାକଚରର ଆସୋସିଏଶନ ଅଫ୍ ଇଣ୍ଡିଆ(ପିଏମ୍ଏଆଇ) ନୀତି ଆୟୋଗକୁ ଚିଠି ଯୋଗେ ଜଣାଇଛି। ଯଦି ମର୍ଚ୍ଚାଣ୍ଟ ମାଇନରମାନେ ପରିବେଶ ମଞ୍ଜୁରୀ ସୀମା ମୁତାବକ ଲୁହା ପଥର ଉତ୍ପାଦନ କରିବେ ତେବେ ୨୦୨୦ ପରେ କଞ୍ଚାମାଲର ଅଭାବ ରହିବ ନାହିଁ ବୋଲି ପିଏମ୍ଏଆଇ ଚିଠିରେ ଉଲ୍ଲେଖ କରିଛି। ୨୦୨୦ପରେ ପ୍ରାୟ ୨୦୦ ନିୟୁତ ଟନ୍ କ୍ଷମତା ବିଶିଷ୍ଟ ଖଣି ପରିଚାଳିତ ହେଉଥିବ। ଖଣି ଗୁଡିକର ନିଲାମ ପରେ ଶିଳ୍ପଗୁଡିକ ଅଧିକ କଞ୍ଚାମାଲ ପାଇବା ଲାଗି ସୁବିଧା ହେବ ବୋଲି ଶିଳ୍ପ ପକ୍ଷରୁ କୁହାଯାଇଛି। ଲିଜ ଅବଧି ବଢାଇବା ପ୍ରସ୍ତାବ ଯୁକ୍ତିଯୁକ୍ତ ନୁହେଁ। ଏପରି ସ୍ଥଳେ ଲିଜ ଅବଧି ବଢିଲେ ସରକାରଙ୍କ ରାଜସ୍ବ ହାନି ହେବ ବୋଲି ପିଏମ୍ଏଆଇ ପ୍ରକାଶ କରିଛି।