ମୁମ୍ବାଇ: ବଲିଉଡ୍ର ନୂଆ ଲର୍ଭବର୍ଡ କହିଲେ ମଲାଇକା ଅରୋରା ଏବଂ ଅର୍ଜୁନ କପୁରଙ୍କୁ ଅନେକେ ବୁଝନ୍ତି। କଥାଟି ଅନେକାଂଶରେ ସତ ମଧ୍ୟ। ଉଭୟଙ୍କୁ ବିଭିନ୍ନ ସମୟରେ ଏକାଠି ଦେଖିବାକୁ ମିଳେ। ଏପରିକି ବିଦେଶ ଭ୍ରମଣରେ ବି ସେମାନେ ଏକତ୍ର ଯାଇଥାନ୍ତି। ଠିକ୍ ଯେପରି ଏବେ କଥାକୁ ଧରାଯାଉ। ଅର୍ଜୁନ ନିଜ ଇନ୍ଷ୍ଟା ପ୍ରୋଫାଇଲରେ ଛୁଟି କଟାଉଥିବା ବେଳର କିଛି ଫଟୋ ଶେୟାର କରିବା ସହ ଇନ୍ଷ୍ଟା ଷ୍ଟୋରୀରେ କିଛି ସ୍ମରଣୀୟ ମୂହୁର୍ତ୍ତକୁ ପ୍ରଶଂସକଙ୍କ ସହ ବାଣ୍ଟିଛନ୍ତି। ଗୋଟିଏ ଫଟୋରେ ଅର୍ଜୁନଙ୍କ ସହ ଜଣେ ମହିଳାଙ୍କ ହାତ ଦେଖିବାକୁ ମିଳୁଛି। ସେ ମଲାଇକା ବୋଲି ଜଣାପଡ଼ିଛି। କାରଣ ମଲାଇକା ମଧ୍ୟ ଛୁଟି କଟାଇବାକୁ ବାହାରକୁ ଯାଇଛନ୍ତି। ଉଭୟ ଶେୟାର କରୁଥିବା ଫଟୋରେ ସାମଞ୍ଜସ୍ୟ ରହୁଛି। ସେହିପରି ଏକ ଇନ୍ଷ୍ଟା ଷ୍ଟୋରୀରେ ଅର୍ଜୁନ ଆଜିର ପାଗ ବେଶ ମନୋରମ ବୋଲି ମତବ୍ୟକ୍ତ କରିଛନ୍ତି। ଏହାକୁ ନେଇ ପ୍ରଶଂସକମାନେ ବହୁତ କିଛି ଠଉରାଉଛନ୍ତି। ମଲାଇକାଙ୍କ ସହ ସମୟ ଅତିବାହିତ କରୁଥିବାରୁ ପାଗ ସୁନ୍ଦର ତ ଲାଗିବ ନା ବୋଲି ଜଣେ ପ୍ରତିକ୍ରିୟାରେ କହିଛନ୍ତି। ଅର୍ଜୁନଙ୍କ ଅଭିନୟ ବିଷୟରେ ଯଦି କଥା ହେବା ତେବେ ସେ ଫିଲ୍ମ ‘ପାନୀପତ୍’ର ଶୁଟିଂ କରୁଛନ୍ତି।