ନୂଆଦିଲ୍ଲୀ,୯।୪ : କରୋନା ଯୋଗୁ ଟିଭି, ଫ୍ରିଜ, ଔଷଧ ସମେତ ଘରୋଇ ବଜାରରେ ବିଭିନ୍ନ ସାମଗ୍ରୀ ମହଙ୍ଗା ଦେଉଥିବା ଦେଖାଯାଇଛି। ଇଲେକଟ୍ରୋନିକ୍ସ ଶିଳ୍ପରେ କାର୍ଯ୍ୟରତ କମ୍ପାନୀଗୁଡିକ ପ୍ରାୟ ୭୦% କଞ୍ଚାମାଲ ଚାଇନାରୁ କିଣୁଥିବାରୁ ଏବେ ଚାପରେ ରହିଛନ୍ତି। ଟିଭି ପ୍ୟାନେଲର ଦର ୧୫% ବଢିଥିବା ବେଳେ ଏପିଆଇର ମୂଲ୍ୟ ୪୦ରୁ ୫୦% ବଢିଥିବା ସୂଚନା ରହିଛି। କରୋନା ଯୋଗୁ ବଜାରର ସ୍ଥିତି ପ୍ରଭାବିତ ରହିଲେ ଟିଭି ସମେତ ଫ୍ରିଜ, ଏସି, ଓ୍ବାଶିଂମେଶିନ ଭଳି ସମାଗ୍ରୀ ପ୍ରସ୍ତୁତି ଆହୁରି ମହଙ୍ଗା ହେବ ବୋଲି ବଜାର ବିଶେଷଜ୍ଞ କହିଛନ୍ତି।