ନୂଆଦିଲ୍ଲୀ: ଆଜକୁ ୫୦ ବର୍ଷ ପୂର୍ବେ ଯେତେବେଳେ ମଣିଷ ପ୍ରଥମେ ଚନ୍ଦ୍ରକୁ ଯାଇଥିଲା ସେତେବେଳେ ସ୍ପେସ୍ ଏକ୍ସର ସିଇଓ ଏଲନ୍ ମସ୍କ ଜନ୍ମ ହୋଇନଥିଲେ , ବ୍ଲୁ ଓରିଜିନର ମାଲିକ ଜେଫ୍ ବେଜୋସ୍ଙ୍କ ବୟସ ଥିଲା ୫ ଓ ଭର୍ଜିନ ଗାଲାଷ୍ଟିକ୍ର ମାଲିିକ ରିଚାର୍ଡ ବ୍ରାନ୍ସନ ଥିଲେ କିଶୋର । ଆଜି ଏହି ତିନିଜଣ ମହାକାଶ ପର୍ଯ୍ୟଟନର ବିକାଶ କରିବା ପାଇଁ ଜୋରଦାର ଉଦ୍ୟମ କରୁଛନ୍ତି। ଏବେସୁଦ୍ଧା ଭର୍ଜିନ ଗାଲାଷ୍ଟିକ ୬୦ଟି ଦେଶରୁ ୬୦୦ ଲୋକଙ୍କୁ କମ୍ପାନୀର ସ୍ପେସ୍କା୍ରଫ୍ଟ ହ୍ବାଇଟ୍ନାଇଟ-୨ ଓ ସ୍ପେସ୍ଶିପ୍-୨ ଲାଗି ବୁକିଂ କରିସାରିଲାଣି। ଏହି କମ୍ପାନୀ ବି ନ୍ୟୁ ମେକ୍ସିିକୋରେ ନିଜସ୍ବ ସ୍ପେସ୍ପୋର୍ଟ ଉଦ୍ଘାଟନ କରିସାରିଛି। ଏହା ପୃଥିବୀର ପ୍ରଥମ କମର୍ସିଆଲ ସ୍ପେସ୍ପୋର୍ଟ। ସ୍ପେସ୍କ୍ରାଫ୍ଟରୁ ମାଧ୍ୟାକର୍ଷଣ ଶୂନ୍ୟସ୍ଥାନରୁ ପୃଥିବୀକୁ ଦେଖିତ୍ବାର ସୁଯୋଗ ଦେବ ବୋଲି ଭର୍ଜିନ ଗାଲାଷ୍ଟିକ୍ କମ୍ପାନୀ ପକ୍ଷରୁ କୁହାଯାଇଛି। ଜାପାନର ବିଲିୟନେୟାର ୟେସାକୁ ମେଜାଓ୍ବାଙ୍କୁ ପ୍ରଥମେ ତା’ର ବିଗ୍ ଫାଲ୍କନ ରକେଟ୍ରେ ଚନ୍ଦ୍ରକୁ ନେବା ପାଇଁ ବୁକିଂ କରିସାରିଛି। କିନ୍ତୁ ଏହି ରକେଟ ଏବେ ନିର୍ମାଣ କରାଯାଉଛି। ଚନ୍ଦ୍ରକୁ ମେଜାଓ୍ବାଙ୍କ ଭ୍ରମଣ ୨୦୨୩ ସୁଦ୍ଧା ହେବ ବୋଲି କୁହାଯାଇଛି। ଏଥିପାଇଁ ତାଙ୍କୁ ୩,୮୫,୦୦୦ କିଲୋମିଟର ଯାତ୍ରା କରିବାକୁ ପଡିିବ। କିନ୍ତୁ ଜେଫ୍ ବେଜୋସଙ୍କ କମ୍ପାନୀ ବ୍ଲୁ ଓରିଜିନ୍ ଚନ୍ଦ୍ର ସହ ଅନ୍ୟ ଗ୍ରହରେ କଲୋନୀ ସ୍ଥାପନ କରିବାକୁ ଲକ୍ଷ୍ୟ ରଖିଛି। ଏଥିପାଇଁ ଏହି କମ୍ପାନୀ ନ୍ୟୁ ସେଫର୍ଡ ଓ ନ୍ୟୁ ଗ୍ଲେନ୍ ରକେଟ ନିର୍ମାଣ କରୁଛି। ବିଶ୍ୱର ସବୁଠାରୁ ଧନୀ ବ୍ୟକ୍ତି ବେଜୋସ ନିଜର ବ୍ଲୁ ମୁନ୍ ଲୁନାର ଲ୍ୟାଣ୍ଡର ପାଇଁ ଏହି ବର୍ଷ ଘୋଷଣା କରିସାରିଛନ୍ତି। ଏହି ଲ୍ୟାଣ୍ଡର୍ର ବ୍ୟକ୍ତିଙ୍କୁ ଜିନିଷ ସହ ନେବାର କ୍ଷମତା ରହିଛି। ବ୍ଲୁ ଓରିଜିନ କମ୍ପାନୀକୁ ମହାକାଶ ଜ୍ଞାନକୌଶଳର ବିକାଶ ପାଇଁ ନାସା ମନୋନୀତ କରିସାରିଛି। ନାସାର ମିଶନ୍ ଆର୍ଟିମିସ୍ ପାଇଁ ବ୍ଲୁ ଓରିଜିନ ସହଯୋଗର ହାତ ମଧ୍ୟ ବଢ଼ାଇଛି । ମହାକାଶ ବୈଜ୍ଞାନିକଙ୍କ କହିବା ମୁତାବକ ଏହି ତିନୋଟି କମ୍ପାନୀ ଆଗାମୀ ଦିନରେ ଚନ୍ଦ୍ରକୁ ମଣିଷ ନେବାରେ ପ୍ରମୁଖ ଭୂମିକା ନିର୍ବାହ କରିବ ।