ମହାନଦୀ ମୁହାଣରେ ବୁଡ଼ିଲା ଟ୍ରଲର: ୩ ମତ୍ସ୍ୟଜୀବୀ ନିଖୋଜ, ୨ ଉଦ୍ଧାର
4:40 pmOctober 8, 2019 / 06

ପାରାଦୀପ,୮ା୧୦(ସ୍ବ.ପ୍ର.)- ସମୁଦ୍ରରୁ ମାଛଧରି ଫେରୁ୍‌ଥିବା ଏକ ଟ୍ରଲର ମହାନଦୀ ମୁହାଣରେ ମଙ୍ଗଳବାର ବୁଡ଼ିଯାଇଛି। ସେଥିରେ ଥିବା ୫ଜଣ ମତ୍ସ୍ୟଜୀବୀ ନିଖୋଜ ହୋଇଯାଇଥିଲେ। ସେମାନଙ୍କ ମଧ୍ୟରୁ ୨ଜଣଙ୍କୁ ଉଦ୍ଧାର କରାଯାଇଥିବା ଜଣାପଡ଼ିଛି। ଅନ୍ୟମାନଙ୍କୁ ଉଦ୍ଧାର କରିବା ପାଇଁ ସେହି ମୁହାଣ ଅଞ୍ଚଳରେ ଅନ୍ୟ ମାଛଧରା ଟ୍ରଲରଗୁଡ଼ିକ ତଲାସି କରୁଛନ୍ତି। ବୁଡ଼ିଯାଇଥିବା ଟ୍ରଲର ନାମ ମା’ ଜାଡ଼ୁଆ ଏବଂ ମାଲିକଙ୍କ ନାମ ପ୍ରତାପ ବିଶ୍ୱାଳ ବୋଲି ଜଣାପଡ଼ିଛି। ନିଖୋଜ ମତ୍ସ୍ୟଜୀବୀଙ୍କ ପରିଚୟ ମିଳିପାରି ନାହିଁ। ନିଖୋଜଙ୍କୁ ଉଦ୍ଧାର ପାଇଁ ଟ୍ରଲର ମାଲିକ ସଂଘ ପକ୍ଷରୁ କୋଷ୍ଟଗାର୍ଡ ଓ ମେରାଇନ ପୋଲିସର ସହାୟତା ମଗାଯାଇଛି।