ନିରାକାରପୁର,୨୬ା୯(ଡି.ଏନ.ଏ.): ଖୋର୍ଦ୍ଧା ଜିଲା ନିରାକାରପୁର ପଞ୍ଚାୟତରେ ଥିବା ସର୍ବପୁରାତନ କ୍ଷେତ୍ରବାସୀ ଡିଏଭି ମହାବିଦ୍ୟାଳୟ ପରିସରରେ ଦୀର୍ଘଦିନ ହେଲା ଏକ ସୁଇମିଂପୁଲ୍ ଅର୍ଦ୍ଧନିର୍ମିତ ଅବସ୍ଥାରେ ରହିଛି। ବର୍ଷା ପାଣି ପୂର୍ଣ୍ଣହୋଇ ରହିଥିବା ସୁଇମିଂ ପୁଲ୍ରେ ସୁରକ୍ଷା ପ୍ରାଚୀର ନ ଥିବାରୁ ଏହା ସର୍ବଦା ବିପଦକୁ ଆମନ୍ତ୍ରଣ କରୁଛି ।
ଏହା ଏବେ ମଶା ମାନଙ୍କର ଏନ୍ତୁଡି ଶାଳ ପାଲିଟିଛି ଉକ୍ତ ସୁଇମିଙ୍ଗପୁଲଟି
କଲେଜ ପରିସରରେ ସୁଇମିଂ ପୁଲ୍ ନିର୍ମାଣ ପାଇଁ ପ୍ରଥମେ ୨୦୧୨ରେ ଯୋଜନା କରାଯାଇଥିଲା। ତତ୍କାଳୀନ ଅଧ୍ୟକ୍ଷକଙ୍କ ବଦଳି ପରେ ଏହି କାମ ଅଟକି ରହିଥିଲା। ପରବର୍ତ୍ତୀ ସମୟରେ ଏହା କିପରି ସମ୍ପନ୍ନ ହେବ ଯୋଜନା କରାଯାଇ କାର୍ଯ୍ୟ ଆରମ୍ଭ ହୋଇଥିଲା। କଲେଜ କତ୍ତର୍aୃପକ୍ଷ ଏହାକୁ ଆର୍ଆଣ୍ଡବି ବିଭାଗକୁ ହସ୍ତାନ୍ତର କରିଥିଲେ। ୧୧କେଭି ବିଦ୍ୟୁତ ତାର ଯାଇଥିବା ସ୍ଥାନରେ କିଭଳି ଏହି ପ୍ରକଳ୍ପ କରାଯିବା ଯୋଜନା ହେଲା ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି । ପୁଣି ପ୍ରାୟ ବର୍ଷେ ହେଲା ଏହାର ଅବଧି ଶେଷହୋଇଥିବା ବେଳେ ଏହା କିଭଳି ଶେଷହେବ ତାକୁ ନେଇ ଆଲୋଚନା ହେଉଛି। ଗୁରୁତ୍ୱପୂର୍ଣ୍ଣ ବିଷୟ ହେଉଛି ଏହା ଚାରିପାଖରେ ସୁରକ୍ଷା ପ୍ରାଚୀର ନାହିଁ। ଫଳରେ ଛାତ୍ରୀଛାତ୍ରଙ୍କ ଲାଗି ବିପଦ ଆଶଙ୍କା ରହୁଛି। ଅନେକ ସମୟରେ ବୁଲା ଶଣ୍ଢ, ଗୋରୁ, ଅନ୍ୟାନ୍ୟ ଜୀବଜନ୍ତୁ ସୁଇମିଂ ପୁଲ୍ ନିକଟରେ ବୁଲୁଥିବାରୁ ଏହା ଭିତରେ ପଡିଯିବା ସମ୍ଭାବନା ରହୁଛି। ମାଙ୍କଡମାନେ ପାଣି ପିଇବାକୁ ଯାଇ ବିପଦର ସମ୍ମୁଖୀନ ହେଉଥିବା ଦେଖିବାକୁ ମିଳୁଛି । ଏଥିରେ ପାଣି ଭର୍ତ୍ତିହୋଇ ରହିଥିବାରୁ ମଶାଙ୍କ ପ୍ରାଦୁର୍ଭାବ ବଢିଚାଲିଛି। ଏଥିଯୋଗୁ ମ୍ୟାଲେରିଆ, ଡେଙ୍ଗୁ ରୋଗ ବ୍ୟାପିବା ସମ୍ଭାବନା ରହିଛି ବୋଲି ସ୍ଥାନୀୟ ସରକାରୀ ମେଡିକାଲ ଅଫିସର ସୂଚନା ଦେଇଛନ୍ତି । ଏ ନେଇ ନିରାକାରପୁରଠାରେ ଥିବା ଆର୍ଆଣ୍ଡବି ବିଭାଗ କନିଷ୍ଠଯନ୍ତ୍ରୀ ମନୋଜ ସେଣ୍ଡଙ୍କୁ ପଚାରିବାରୁ ସେ କହିଥିଲେ, ଆଲଟ୍ମେଣ୍ଟ ନ ଥିବାରୁ ସୁଇମିଂ ପୁଲ୍ କାମ ସେତିକିରେ ଅଟକି ରହିଛି । ୧୧କେଭି ବିଦ୍ୟୁତ୍ ତାର ସମ୍ପର୍କରେ ସେ କହିଥିଲେ, କଲେଜ କର୍ତ୍ତୃପକ୍ଷ ଯେଉଁ ସ୍ଥାନ ଦେଖାଇଲେ ସେଠାରେ ଆମେ କରିଛୁ। କଲେଜ ଅଧ୍ୟକ୍ଷ ଅଶୋକ କୁମାର ବଳବନ୍ତରାୟଙ୍କୁ ଯୋଗାଯୋଗ କରିବାରୁ ସେ ଛୁଟିରେ ବାହାରେ ଅଛି କହି ପ୍ରସଙ୍ଗକୁ ଏଡାଇ ଦେଇଥିଲେ।