ମୁମ୍ବାଇ,୨୪।୧୦: ମହାରାଷ୍ଟ୍ର ବିଧାନସଭା ନିର୍ବାଚନର ଫଳାଫଳ ଆସିବା ପୂର୍ବରୁ ଏବେ ଅନେକ ସ୍ଥାନରେ ଭାଜପା ଏକ ପ୍ରକାର ବିଜୟ ଉତ୍ସବ ପାଇଁ ପ୍ରସ୍ତୁତ ହୋଇ ସାରିଥିବା ଦେଖାଯାଇଛି। ତେବେ ଏହାକୁ ନେଇ ଏବେ ସୋସିଆଲ ମିଡିଆରେ ମଧ୍ୟ ବଲିଉଡ୍ ନିର୍ଦ୍ଦେଶକଙ୍କ ଟୁଇଟ୍ ଭାଇରାଲ ହୋଇଛି। ଏହାକୁ ନେଇ ବଲିଉଡ୍ ଷ୍ଟାରମାନଙ୍କର ରିଆକଶନ୍ ମଧ୍ୟ ଦେଖିବାକୁ ମିଳିଛି। ପୁଣିଥରେ ଫଡନବିଶ ମୁଖ୍ୟମନ୍ତ୍ରୀ ହେବେ ବୋଲି ଅଧିକାଂଶ ବଲିଉଡ୍ ଷ୍ଟାର ମତ ରଖିଛନ୍ତି। ତେବେ ବଲିଉଡ୍ ପ୍ରଯୋଜକ ଅଶୋକ ପଣ୍ଡିତ ପ୍ରଥମେ ଟୁଇଟ୍ କରି ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବିଶ, ହରିୟାଣା ମୁଖ୍ୟମନ୍ତ୍ରୀ ମନୋହର ଲାଲ ଖଟ୍ଟର ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଶୁଭେଚ୍ଛା ଜଣାଇଛନ୍ତି। ଏହାସହ ଅଶୋକ କହିଛନ୍ତି ମହାରାଷ୍ଟ୍ରରେ ମୋଦୁଙ୍କ ଯାଦୁକାମ କରିଛି। ସୂଚନାଯୋଗ୍ୟ, ମହାରାଷ୍ଟ୍ରରେ ଗତ ୨୧ ତାରିଖରେ ନିର୍ବାଚନ ହୋଇଥିବା ବେଳେ ଏଥିରେ ୩,୨୩୭ଜଣ ପ୍ରାର୍ଥୀଙ୍କ ଭାଗ୍ୟ ଇଭିଏମ୍ରେ ବନ୍ଦ ହୋଇଯାଇଥିଲା।