ମୁମ୍ବାଇ,୧୭।୧୦: ମହାରାଷ୍ଟ୍ରରେ ବିଧାନସଭା ନିର୍ବାଚନ ଆଉ ୩ ଦିନ ପରେ ହେବ। ଏଠାରେ ଭାଜପା ଓ ଶିବସେନା ମଧ୍ୟରେ ଆସନ ବୁଝାମଣା ହୋଇଛି। ୨୮୮ ବିଧାନସଭା ଆସନ ମଧ୍ୟରୁ ୧୬୪ରେ ଭାଜପା ପ୍ରାର୍ଥୀ ଦେଇଥିବାବେଳେ ୧୨୪ ଆସନରେ ଶିବସେନା ପ୍ରାର୍ଥୀ ନିର୍ବାଚନ ଲଢୁଛନ୍ତି। ତେବେ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ ଏକ ସାକ୍ଷାତ୍କାରରେ ଶିବସେନାକୁ ନୂଆ ସଙ୍କେତ ଦେଇଛନ୍ତି। ସେ କହିଛନ୍ତି ମହାରାଷ୍ଟ୍ରରେ ଭାଜପା ବହୁମତ ହାସଲ କରିବ। ତେବେ ଭାଜପା ୧୬୪ ଆସନରେ ନିର୍ବାଚନ ଲଢୁଥିବାବେଳେ ଏହା କିପରି ସମ୍ଭବ ହେବ ତାହା ପ୍ରଶ୍ନ କରାଯାଇଥିଲା। ଏହା ସମ୍ଭବ ହୋଇ ପାରିବ ବୋଲି ସେ ଉତ୍ତର ଦେଇଥିଲେ। ନିର୍ବାଚନ ପୂର୍ବରୁ ଶାହଙ୍କ ଏଭଳି ମନ୍ତବ୍ୟ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି।