ସାଙ୍ଗଲି,୧୭।୯: ମହାରାଷ୍ଟ୍ର ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବିସଙ୍କ ଜନାଦେଶ ଯାତ୍ରାକୁ ସ୍ବାଭିମାନୀ ଶେତକାରୀ ସଙ୍ଗଠନ(ଏସ୍ଏସ୍ଏସ୍) ପକ୍ଷରୁ ନିଆରା ପ୍ରତିବାଦ କରାଯାଇଛି। ସୋମବାର ମହାରାଷ୍ଟ୍ରର ସାଙ୍ଗଲୀ ଜିଲାରୁ ପ୍ରାୟ ୨୩୦ କିଲୋମିଟର ଦୂର କୁଣ୍ଡଲ ଅଞ୍ଚଳରେ ମୁଖ୍ୟମନ୍ତ୍ରୀ ଫଡନବିସଙ୍କ ରାଲି ଗାଡ଼ି ସମ୍ମୁଖରେ ଏସ୍ଏସ୍ଏସ୍ ସଙ୍ଗଠନର କର୍ମକର୍ତ୍ତାମାନେ କଡକନାଥ(କଳା) କୁକୁଡା ଫୋପାଡି ବିରୋଧ ପ୍ରଦର୍ଶନ କରିଥିଲେ। ସୂଚନାଯୋଗ୍ୟ, କୁଣ୍ଡଲ ଅଞ୍ଚଳରେ ବିନା ବାଧାରେ ମହାଜନାଦେଶ ରାଲି ଯାଉଥିବା ସମୟରେ ଗାଡି ସମ୍ମୁଖରେ ସଙ୍ଗଠନର କିଛି କର୍ମକର୍ତ୍ତାମାନେ କଡକନାଥ(କଳା) କୁକୁଡା ଫୋପାଡିବାକୁ ଉଦ୍ୟମ କରିଥିଲେ। ହେଲେ ସେହି ସମୟରେ ଭାଜପାର କର୍ମକର୍ତ୍ତାମାନେ ସେମାନଙ୍କୁ ଅଟକାଇ ଦେଇଥିଲେ। ତେବେ ଏହି ମାମଲାରେ ୩ଜଣଙ୍କୁ ଗିରଫ କରାଯାଇ ତଦନ୍ତ କରାଯାଉଛି ବୋଲି ପୋଲିସର ବରିଷ୍ଠ ଅଧିକାରୀ କହିଛନ୍ତି।