ନୂଆଦିଲ୍ଲୀ,୧୭-୧୦: ଅର୍ଥମନ୍ତ୍ରଣାଳୟ ବ୍ୟୟ ବିଭାଗର ନୂତନ ମହାଲେଖା ନିୟନ୍ତ୍ରକ ଭାବେ ଜେପିଏସ୍ ଚାଓ୍ବଲା କାର୍ଯ୍ୟଭାର ଗ୍ରହଣ କରିଛନ୍ତି। ସେ୧୯୮୫ ବ୍ୟାଚ୍ ଭାରତୀୟ ସିଭିଲ ଲେଖା ସେବା ଅଧିକାରୀ। ଚଳିତ ବର୍ଷ ସେପ୍ଟେମ୍ବର ୧ରୁ ସେ ସିଜିଏ ଭାବେ କାର୍ଯ୍ୟ କରି ଆସୁଛନ୍ତି। ସେ ଦିଲ୍ଲୀ କଲେଜ ଅଫ ଇଞ୍ଜିନିୟରିଂରୁ ମେକାନିକାଲ ଇଞ୍ଜିନିୟରିଂରେ ସ୍ନାତକ କରିଥିଲେ। ସିଭିଲ ସେବାକୁ ଆସିବା ପୂର୍ବରୁ ସେ ଇଞ୍ଜିନିୟରିଂ ଇଣ୍ଡିଆ ଲିମିଟେଡରେ କାର୍ଯ୍ୟ କରିଛନ୍ତି। ୩୪ ବର୍ଷର କ୍ୟାରିୟରରେ ସେ ପ୍ରସାର ଭାରତୀ, ସହର ବିକାଶ, ନାଗରିକ ଉନ୍ନୟନ, ପର୍ଯ୍ୟଟନ ଏବଂ କୃଷି ଭଳି ଅନେକ ମନ୍ତ୍ରଣାଳୟ ଓ ବିଭାଗରେ କାର୍ଯ୍ୟ କରିଛନ୍ତି। ଏହାବାଦ ଦିଲ୍ଲୀ ବିକାଶ ପ୍ରାଧିକରଣ, ଇନ୍ଦ୍ରପ୍ରସ୍ତ ପାଓ୍ବାର ଜେନେରେଶନ କମ୍ପାନୀ ଲିମିଟେଡ ଓ ପ୍ରଗତି ପାଓ୍ବାର ଲିମିଟେଡରେ କାର୍ଯ୍ୟ କରିଛନ୍ତି।
