ବାଲିଗୁଡା,୧୦। ୬(ଡି.ଏନ୍.ଏ.)- ପ୍ରଚଣ୍ଡ ରୌଦ୍ରତାପ ଯୋଗୁ ଜନଜୀବନ ଅସ୍ତବ୍ୟସ୍ତ ହୋଇପଡୁଥିବା ବେଳେ କନ୍ଧମାଳ ଜିଲାର ବିଭିନ୍ନ ଦୁର୍ଗମ ଅଞ୍ଚଳ ଓ ଗ୍ରାମାଞ୍ଚଳରେ ପାଣି ପାଇଁ ଲୋକେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଏପରି ସମସ୍ୟା ଦେଖିବାକୁ ମିଳିଛି ବାଲିଗୁଡା ଉପଖଣ୍ଡ ଅନ୍ତର୍ଗତ କ.ନୂଆଗଁ। ବ୍ଲକ ମହାସିଙ୍ଗି ପଞ୍ଚାୟତରେ। ମହାସିଙ୍ଗିର ତିନୋଟି ୱାର୍ଡ ମାଠିଆଝୋଲାସାହି, ବେହେର୍ଦ୍ଦଲାଇ ସାହି, ପୁରୁଣାସାହିର ଲୋକେ ପାଣି ପାଇଁ ଚୁଆ ଉପରେ ଭରସା କରୁଛନ୍ତି। ନିକଟସ୍ଥ ଖଡ୍ଗନଦୀରେ ଚୁଆ ଖୋଳି ଘଣ୍ଟା ଘଣ୍ଟା ଅପେକ୍ଷା କରି ପାନୀୟ ଜଳ ସଂଗ୍ରହ କରୁଛନ୍ତି। ଗଁ।ରେ ପାଣିଟାଙ୍କି ଅଛି କିନ୍ତୁ ଅଧିକାଂଶ ସମୟରେ ଷ୍ଟାଣ୍ଡପୋଷ୍ଟରେ ପାଣି ଆସୁନି। ସ୍ଥାନୀୟ ଲୋକ କ.ନୂଆଗାଁ ବିଡିଓ ଓ ସ୍ଥାନୀୟ ସରପଞ୍ଚଙ୍କୁ ଅଭିଯୋଗ କଲେ ମଧ୍ୟ ସମସ୍ୟାର ସମାଧାନ ହେଉନାହିଁ। ଫଳରେ ନଦୀ ଓ ଚୁଆ ଜଳ ପିଉଛନ୍ତି। ବିଭିନ୍ନ ସମୟରେ ଏହାଯୋଗୁ ଝାଡାବାନ୍ତି ମଧ୍ୟ ବ୍ୟାପୁଛି। ଏଠାରେ ସୋଲାର ପାନୀୟଜଳ ପ୍ରକଳ୍ପ ନିର୍ମାଣ ପାଇଁ ୧୧ ନମ୍ବର ୱାର୍ଡ ସଭ୍ୟ ପରମାନନ୍ଦ ବେହେର୍ଦ୍ଦଳାଇ, ମହିଳା ମହାସଂଘ ସଭାନେତ୍ରୀ ସୁଷମା ବେହେର୍ଦ୍ଦଳାଇ ଓ ଗୌରାଙ୍ଗ ପାତ୍ରଙ୍କ ସମେତ ମହାସିଙ୍ଗି ପଞ୍ଚାୟତବାସୀ ଦାବି କରିଛନ୍ତି। ତୁରନ୍ତ ପାନୀୟଜଳ ସମସ୍ୟାର ସମାଧାନ ନ ହେଲେ ଆନ୍ଦୋଳନକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି।