ନୂଆଗାଁ, ୨୨।୧୦(ଡି.ଏନ୍.ଏ.): ନୟାଗଡ଼ ଜିଲା ନୟାଗଡ଼ ବନଖଣ୍ଡ ମହିପୁର ବନାଞ୍ଚଳ ମହିତମା ଫରେଷ୍ଟ ସେକ୍ସନ ଅଧୀନ ନୂଆଗାଁ ଭାଲିଆପଦର ଗ୍ରାମ ନିକଟରୁ ବୁଧବାର ବନ ବିଭାଗ ବିପୁଳ ପରିମାଣର ଶାଳ କାଠ ଜବତ କରିଛି।
ପ୍ରକାଶ ଯେ, ଭାଲିଆପଦର ନିକଟରୁ ବିଶାଳ ଶାଳ ଗଛ କାଟି ତଳେ ପକାଯାଇଥିବା ବେଳେ ୨ଜଣ ବ୍ୟକ୍ତି କାଠ କାଟୁଥିଲେ। ଏହା ଦେଖି ସ୍ଥାନୀୟ ଲୋକେ ନୟାଗଡ଼ ଡିଏଫ୍ଓ ଧନରାଜ ଏଚଡିଙ୍କୁ ଜଣାଇଥିଲେ। ପରେ ଉକ୍ତ ସ୍ଥାନକୁ ଯାଇ କାଠ ଜବତ କରିବା ପାଇଁ ମହିପୁର ରେଞ୍ଜରଙ୍କୁ ନିଦ୍ଦେର୍ର୍ଶ ଦେଇଥିଲେ। ରେଞ୍ଜର ସୁଧାଂଶୁ ଶେଖର ପଣ୍ଡା, ମହିତମା ବନପାଳ ରମେଶ କୁମାର ମଲିକ ଓ ଫରେଷ୍ଟଗାର୍ଡ, ଜଗୁଆଳି ସଦଳବଳେ ଭାଲିଆପଦର ଗ୍ରାମ ନିକଟ ଜଙ୍ଗଲରେ ପହଞ୍ଚି ଖାନତଲାସ କରିବାରୁ ଅନେକ କାଠ ଲୁଚାଯାଇ ରଖାଯାଇଥିବା ଦେଖିବାକୁ ମିଳିଛି। ଏ ନେଇ ପୋଲିସ ତଦନ୍ତ ଜାରି ରଖିଛି। ତେବେ ମହିପୁର ବନାଞ୍ଚଳରୁ ବାରମ୍ବାର କାଠ ଚୋରି ହେଉଥିଲା। ଏଥିରେ କେତେଜଣ ବନବିଭାଗ କର୍ମଚାରୀଙ୍କ ହାତ ରହିଥିବା ନେଇ ସ୍ଥାନୀୟ ଲୋକେ ବନଖଣ୍ଡ ଅଧିକାରୀ (ଡିଏଫ୍ଓ)ଙ୍କୁ ଜଣାଇଛନ୍ତି।