ଆର.ଉଦୟଗିରି,୨୩ା୫(ଡି.ଏନ.ଏ.)-ଆର.ଉଦୟଗିରି ଥାନା ସରଳାପଦର ଗ୍ରାମର ଜଣେ ମହିଳାଙ୍କୁ ଶାଶୁଘର ଲୋକେ ନିର୍ଯାତନା ଦେଉଥିବା ଅଭିଯୋଗ ହୋଇଛି। ବିବାହର ୧୩ ବର୍ଷ ପରେ ନିର୍ଯାତନାର ଶିକାର ହୋଇଥିବା ନାରାୟଣୀ ନାୟକଙ୍କ ଏତଲାକ୍ରମେ ନଂ.୫୫/୧୯ରେ ମାମଲା ରୁଜୁ କରି ପୋଲିସ ତଦନ୍ତ ଆରମ୍ଭ କରିଛି।
ପ୍ରକାଶ ଯେ, ନାରାୟଣୀ ତାଙ୍କରି ଗ୍ରାମର ଜଣଙ୍କୁ ପ୍ରେମ ବିବାହ କରିଥିଲେ। ଗ୍ରାମବାସୀଙ୍କ ନିଷ୍ପତ୍ତି ପ୍ରକାରେ ୨୦୦୭ ଅକ୍ଟୋବର ୩୧ରେ ବିବାହ ହୋଇଥିଲେ ମଧ୍ୟ ପରିବାର ଲୋକେ ଗ୍ରହଣ ନ କରିବାରୁ ଦମ୍ପତି ଗ୍ରାମରେ ଘର ଭଡ଼ା ନେଇ ରହୁଥିଲେ। ସେମାନଙ୍କର ୧୦ ବର୍ଷର ଝିଅ ଓ ୭ ବର୍ଷର ପୁଅ ଅଛନ୍ତି। ନାରାୟଣୀ ଓ ତାଙ୍କ ସ୍ବାମୀ ଭୁବନେଶ୍ୱର ଯାଇ ରେଷ୍ଟୁରାଣ୍ଟରେ କାମ କରୁଥିଲେ । ୨ ମାସ ତଳେ ଶାଶୁଘର ପରିବାର ଲୋକେ ଭୁବନେଶ୍ୱର ଯାଇ ସ୍ବାମୀଙ୍କୁ ଗ୍ରାମକୁ ଡାକିଥିଲେ। ସେମାନେ ନାରାୟଣୀଙ୍କ ବିରୋଧରେ କହିବାରୁ ସ୍ବାମୀ ଆଉ ଭୁବନେଶ୍ୱର ଗଲେନି। ପରେ ନାରାୟଣୀ ସ୍ବାମୀଙ୍କୁ ଡ଼ାକିବାକୁ ଗ୍ରାମକୁ ଆସିଥିବା ବେଳେ ସ୍ବାମୀଙ୍କ ସମେତ ଶାଶୁ, ଦେଢ଼ଶୁର, ଦେଢ଼ଶାଶୁ ଏବଂ ପରିବାରର ଅନ୍ୟମାନେ ନିର୍ଯାତନା ଦେଇଥିଲେ । ଏହା ସହ୍ୟ କରି ନ ପାରି ନାରାୟଣୀ ଥାନାରେ ଲିଖିତ ଅଭିଯୋଗ କରିଛନ୍ତି। ଏସଆଇ ବିଶ୍ୱଜିତ ଜେନା ଏହି ଘଟଣାର ତଦନ୍ତ ଦାୟିତ୍ୱ ନେଇଛନ୍ତି ।