ବର୍ତ୍ତମାନ ଛୋଟରୁ ବଡ଼, ପୁରୁଷଠୁ ମହିଳା ପର୍ଯ୍ୟନ୍ତ ସମସ୍ତଙ୍କ ହାତରେ ଦେଖିବାକୁ ମିଳୁଛି ମୋବାଇଲ ଫୋନ୍ । ଆଉ ସମସ୍ତଙ୍କ ଆବଶ୍ୟକତା ତଥା ରୁଚିକୁ ଦେଖି ଭିନ୍ନ ଭିନ୍ନ ଆପ୍ଲିକେଶନ ମଧ୍ୟ ଡାଉନ୍ାଲାଡ୍ କରି ବ୍ୟବହାର କରି ହେଉଛି। ତେବେ ଏଭଳି କିଛି ଆପ୍ ରହିଛି ଯାହାକି ପ୍ରତ୍ୟେକ ମହିଳାଙ୍କ ଲାଗି ବେଶ୍ ଉପକାରୀ। ଜାଣିରଖନ୍ତୁ ସେ ସମ୍ପର୍କରେ…
ମାଇଁ ସେଫ୍ଟିପିନ୍: ଏହି ଆପ୍ ସବୁ ମହିଳାଙ୍କ ଲାଗି ବିଶେଷକରି କର୍ମଜୀବୀ ମହିଳାଙ୍କ ଲାଗି ବେଶ୍ ଉପକାରୀ। ଏଥିରେ ଜିପିଏସ୍ ଟ୍ରାକିଂ, ଡାଇରେକ୍ସନ୍ ଫର୍ ସେଫ୍ଟି ରୁଟ୍, ଏମର୍ଜେନ୍ସି କଣ୍ଟାକ୍ଟ ନମ୍ବର ଆଦି ଫିଚର ରହିଛି। ଏହା କୌଣସି ଅଜଣା କିମ୍ବା ବିପଦପୂର୍ଣ୍ଣ ସ୍ଥାନକୁ ଗଲେ ସଙ୍ଗେ ସଙ୍ଗେ ସୂଚେଇ ଦେଇଥାଏ। ଫଳରେ ମହିଳାଙ୍କୁ ତୁରନ୍ତ ନିଜ ପରିବାର, ବନ୍ଧୁ କିମ୍ବା ପରିଚିତଙ୍କୁ ନିଜକୁ ଟ୍ରାକ୍ କରିବାଲାଗି ଆଲର୍ଟ କରିବାରେ ସୁବିଧା ହୋଇଥାଏ। ହିମତ୍ ପ୍ଲସ୍ ଏବଂ ରକ୍ଷା ଭଳି ଆପ୍ ରଖିବା ଦ୍ୱାରା ମଧ୍ୟ ଏପରି ସୁବିଧା ମିଳିପାରିବ।
ମେଡିସେଫ୍ ମେଡ୍ସ ଏବଂ ପିଲ୍ ରିମାଇଣ୍ଡର: କର୍ମମୟ ଜୀବନ ଭିତରେ ମହିଳାମାନେ ସାଧାରଣତଃ ନିଜ ପ୍ରତି ଅବହେଳା କରି ବସନ୍ତି। ଏମିତିକି କୌଣସି ସ୍ବାସ୍ଥ୍ୟ ସମସ୍ୟା ଥିଲେ ଏହାର ଔଷଧ ବି ଯଥା ସମୟରେ ଖାଇବାକୁ ଭୁଲଯାଆନ୍ତି ଏବଂ ପରବର୍ତ୍ତୀ ସମୟରେ ଅଧିକ କଷ୍ଟ ପାଆନ୍ତି। ତେବେ ମହିଳାଙ୍କ ଏପରି ସମସ୍ୟା ଦୂରକରିବା ଲାଗି ମେଡିସେଫ୍ ମେଡ୍ସ ଏବଂ ପିଲ୍ ରିମାଇଣ୍ଡର ଭଳି ଆପ୍ ଡିଜାଇନ କରାଯାଇଛି। ଏହା ଆପଣଙ୍କ ବ୍ଲଡ୍ ପ୍ରେସର, ଗ୍ଲୁକୋଜ୍ ଆଦି ପ୍ରତି ନଜର ରଖିବା ସହ ଠିକ୍ ସମୟରେ ଔଷଧ କିମ୍ବା ଅନ୍ୟାନ୍ୟ ସପ୍ଲିମେଣ୍ଟ ଖାଇବା ଲାଗି ରିମାଇଣ୍ଡର ବି ଦେଇଥାଏ।
ଅର୍ବାନ୍ କ୍ଲାପ୍: ଗୃହିଣୀଙ୍କୁ ବିଭିନ୍ନ ସୁବିଧା ଯୋଗାଇଦେବା ଲାଗି ଏହି ଆପ୍ ସ୍ପେଶାଲ ଡିଜାଇନ କରାଯାଇଛି। ଘରେ ପୁରୁଷ ସଦସ୍ୟ ନ ଥିବା ବେଳେ ହଠାତ୍ ଘରର କୌଣସି ଜରୁରୀ କାମ ଲାଗି ପ୍ଲମ୍ବର, କାର୍ପେଣ୍ଟର, ଇଲେକ୍ଟ୍ରିସିଆନ୍ଙ୍କୁ ଡାକିବାକୁ ହେଲେ ଏହି ଆପ୍ର ସାହାଯ୍ୟ ନେଇପାରିବେ। ଏଥିରୁ କେଉଁ କାର୍ଯ୍ୟ ଲାଗି କାହାକୁ କେତେ ଟଙ୍କା ଦେବାକୁ ହେବ ମଧ୍ୟ ଜାଣିହେବ।