ଢେଙ୍କାନାଳ ଅଫିସ,୫।୧୨: ଢେଙ୍କାନାଳ ଜିଲା ମୁଖ୍ୟ ଚିକିତ୍ସାଳୟରେ ଜଣେ ମହିଳା ରୋଗୀଙ୍କୁ ଓ୍ବାଡେନ୍ ଇଞ୍ଜେକ୍ସନ ଦେଉଥିବା ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା। ଏହି ଘଟଣାରେ ଗୁରୁବାର ଦାୟିତ୍ୱରେ ଥିବା ଷ୍ଟାଫ୍ ନର୍ସ ଶାଶ୍ୱତି ବେହେରା ଏବଂ ଓ୍ବାଡେନ୍ ମନୋରମା ବେହେରାଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ନର୍ସ ଶାଶ୍ୱତିଙ୍କୁ ଛୁଟିରେ ପଠାଯିବା ସହ ସୋ-କଜ୍ ନୋଟିସ ଜାରି କରାଯାଇଥିବା ବେଳେ ଓ୍ବାଡେନ୍ ମନୋରମାଙ୍କୁ ଚାକିରିରୁ ବିଦା କରାଯାଇଥିବା ମୁଖ୍ୟ ଚିକିତ୍ସାଧିକାରୀ ଡା. ନିରଞ୍ଜନ ମିଶ୍ର ସୂଚନା ଦେଇଛନ୍ତି।
ପ୍ରକାଶଯୋଗ୍ୟ, ଚିକିତ୍ସାଳୟର ମହିଳା ମେଡିସିନ ଓ୍ବାଡରେ ଓ୍ବାଡେନଜଣଙ୍କ ଜଣେ ରୋଗୀଙ୍କ ବାମହାତରେ ଇଞ୍ଜେକ୍ସନ ଦେଉଥିବା ଭିଡିଓରେ ଦେଖାଯାଇଥିଲା। ଏନେଇ ପଚରାଯିବାରେ ଘଟଣା ୧୫-୨୦ ଦିନର। ଆଲୋଚନା ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ମୁଖ୍ୟ ଚିକିତ୍ସାଧିକାରୀ କହିଥିଲେ।
