ଭୁବନେଶ୍ୱର,୨୯ା୧(ବ୍ୟୁରୋ):ମହିଳା ଆଇନଜୀବୀ ଦୀପାଳି ପ୍ରିୟଦର୍ଶନୀ ଜେନା ଆତ୍ମହତ୍ୟା ଘଟଣାରେ ମୁଖ୍ୟ ଅଭିଯୁକ୍ତ କୁହାଯାଇଥିବା ପୁରୁଷ ବନ୍ଧୁ ବିକ୍ରମ ମିଶ୍ର ମଙ୍ଗଳବାର ଖୋର୍ଦ୍ଧା ଦୌରାଜଜ୍ କୋର୍ଟରେ ଆତ୍ମସମର୍ପଣ କରିଛନ୍ତି। ୪ ମାସ ଧରି ଫେରାର ରହିଥିବା ବିକ୍ରମ ନିକଟରେ ହାଇକୋର୍ଟରେ ଆତ୍ମସମର୍ପଣ କରିବାକୁ ଯାଇଥିଲେ। ହେଲେ ହାଇକୋର୍ଟ ତାଙ୍କୁ ତଳ କୋର୍ଟରେ ଆତ୍ମସମର୍ପଣ କରିବାକୁ ନିର୍ଦ୍ଦେଶ ଦେଇଥିଲେ। ସେହି ଅନୁଯାୟୀ ବିକ୍ରମ ମଙ୍ଗଳବାର ଖୋର୍ଦ୍ଧା ଜିଲା ଦୌରାଜଜ୍ଙ୍କ ନିକଟରେ ଆତ୍ମସମର୍ପଣ କରିଥିଲେ। ବିକ୍ରମ କୋର୍ଟରେ ହାଜର ହେବା ସମୟରେ ଉତ୍ତେଜନା ପ୍ରକାଶ ପାଇଥିଲା। ଏପରି କି କୋର୍ଟ ନିକଟରେ ତାଙ୍କୁ କେତେଜଣ ବ୍ୟକ୍ତି ଆକ୍ରମଣ କରିବାକୁ ଉଦ୍ୟମ କରିଥିଲେ। କିନ୍ତୁ ପୋଲିସ ସେଠାରୁ ତାଙ୍କୁ ଉଦ୍ଧାର କରି ନିଜ ହେପାଜତକୁ ନେଇଥିଲା। କୋର୍ଟରେ ବିକ୍ରମଙ୍କ ଜାମିନ୍ ନାମଞ୍ଜୁର ହେବାରୁ ତାଙ୍କୁ ଝାରପଡା ଜେଲକୁ ପଠାଇ ଦିଆଯାଇଛି। ଅନ୍ୟପକ୍ଷରେ ୪ ମାସ ଧରି ପୋଲିସ ତାଙ୍କୁ ଖୋଜୁଥିଲେ ମଧ୍ୟ ପାଇ ନ ଥିଲା। ଶେଷରେ ସେ ଏଭଳି ଢଙ୍ଗରେ ଆତ୍ମସମର୍ପଣ କରିଥିଲେ। ତଦନ୍ତରେ ଆବଶ୍ୟକ ହେଲେ ପୋଲିସ ତାଙ୍କୁ ରିମାଣ୍ଡରେ ନେଇ ପଚରାଉଚରା କରିବ ବୋଲି ପୋଲିସ କହିଛି।
ଏ ନେଇ ଦୀପାଳିଙ୍କ ସାନ ଭଉଣୀ ଇତିଶ୍ରୀ କହିଛନ୍ତି, ମୋ ବଡ଼ ଭଉଣୀଙ୍କ ଯେଭଳି ବନ୍ଧୁ ବିକ୍ରମଙ୍କ ପାଇଁ ଦଉଡ଼ି ଲଗାଇ ଆତ୍ମହତ୍ୟା କଲେ, ତାଙ୍କୁ ଯଦି ଫାସି ଦିଆଯିବ ତେବେ ତାଙ୍କ ଭଉଣୀଙ୍କ ଆତ୍ମା ଶାନ୍ତି ପାଇବ। ବିକ୍ରମ ଦିପାଳୀଙ୍କୁ ଶାରୀରିକ ଏବଂ ମାନସିକ ନିର୍ଯାତନା ଦେଉଥିଲେ। ଫଳରେ ସେ ବାଧ୍ୟ ହୋଇ ଆତ୍ମହତ୍ୟା କରିଥିଲେ। ତେଣୁ ତାଙ୍କୁ ବିରୋଧରେ କୋର୍ଟ କଡା ସଜା ଶୁଣାନ୍ତୁ ବୋଲି ସେ କହିଛନ୍ତି।
ସୂଚନାଯୋଗ୍ୟ, ଦୀପାଳି ଲିଙ୍ଗିପୁର ବିଜୟବିହାର ସ୍ଥିତ ପ୍ଲଟ ନଂ.ସି/୩/୨ରେ ଘର ଭଡା ନେଇ ସାନଭଉଣୀ ସହ ରହୁଥିଲେ। ସେ ଭୁବନେଶ୍ୱର ବାରର ସଦସ୍ୟ ହୋଇ ନ ଥିବା ବେଳେ ନିୟମିତ ଭାବେ ଏଠାରେ ପ୍ରାକ୍ଟିସ୍ କରୁଥିଲେ। ଦୀପାଳିଙ୍କ ଘର ଭଦ୍ରକରେ ହୋଇଥିବା ବେଳେ ବାଲେଶ୍ୱର ସିମୁଳିଆର ବ୍ୟବସାୟୀ ବିକ୍ରମ କେଶରୀ ମିଶ୍ରଙ୍କ ସହ ପରିଚିତ ହେଇ ପ୍ରେମ ସମ୍ପର୍କ ଗଢି ଉଠିଥିଲା। ଏପରି କି ଉଭୟ ବିବାହ କରିବା ପାଇଁ ପରିବାର ଲୋକେ ରାଜି ହୋଇଥିଲେ। ନିକଟରେ ତାଙ୍କର ବିବାହ ହୋଇଥାନ୍ତା। କିନ୍ତୁ ନିୟମିତ ଭାବେ ବିକ୍ରମ ଭୁବନେଶ୍ୱର ଦୀପାଳିଙ୍କ ଘରକୁ ଆସୁଥିଲେ। ୨୦୧୯ ଅକ୍ଟୋବର ୨୦ରେ ବିକ୍ରମ ସନ୍ଧ୍ୟା ୫ଟାରେ ଦୀପାଳି ରହୁଥିବା ଭଡା ଘରେ ପହଞ୍ଚତ୍ଥିଲେ। ଦୀପାଳିଙ୍କ ସାନ ଭଉଣୀ ତାଙ୍କ ସାଙ୍ଗଙ୍କ ସହ ପଳାଇ ଯାଇଥିଲେ। ଘରେ ଦୀପାଳି ଓ ବିକ୍ରମ ରହିଥିଲେ। ହେଲେ ଉଭୟଙ୍କ ମଧ୍ୟରେ କ’ଣ ଘଟିଲା ଦୀପାଳି ଘର ଭିତର ପଟୁ କବାଟ ବନ୍ଦ କରି ଆତ୍ମହତ୍ୟା କରିଥିଲେ। ରାତି ୧୨ଟାରେ ଘରେ ଦୀପାଳିଙ୍କ ଭଉଣୀ ପହଞ୍ଚତ୍ ଥିଲେ ମଧ୍ୟ କବାଟ ବନ୍ଦ ରହିଥିଲା କିନ୍ତୁ ବିକ୍ରମ ନ ଥିଲେ। ଖବରପାଇ ପୋଲିସ ପହଞ୍ଚତ୍ ଘରର କବାଟ ଭାଙ୍ଗି ମୃତଦେହ ଜବତ କରିଥିଲା।