ବ୍ରହ୍ମଗିରି,୩୧ା୧୨(ଡି.ଏନ୍.ଏ.): ଭୁବନେଶ୍ୱରରେ କାର୍ଯ୍ୟରତ ଜଣେ ମହିଳା ଖବରଦାତାଙ୍କୁ ଆକ୍ରମଣ ଘଟଣାରେ ସୋମବାର ବ୍ରହ୍ମଗିରି ପ୍ରେସ କ୍ଲବ ପକ୍ଷରୁ ନିନ୍ଦା କରାଯାଇଛି। ଏହା ସହ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବିପତ୍ର ତହସିଲଦାର କିଶୋର ଚନ୍ଦ୍ର ପଣ୍ଡାଙ୍କୁ ପ୍ରଦାନ କରାଯାଇଛି। ଗତ ଶନିବାର ଭୁବନେଶ୍ୱରସ୍ଥିତ ଏସପ୍ଲାନେଡ ସପିଂ ମଲରେ କାର୍ଯ୍ୟରତ ମହିଳା ଖବରଦାତାଙ୍କୁ ଆକ୍ରମଣ କରାଯାଇଥିବା ଅଭିଯୋଗ ହୋଇଛି। ଏ ନେଇ ବ୍ରହ୍ମଗିରି ପ୍ରେସ କ୍ଲବ ପକ୍ଷରୁ ଅଭିଯୁକ୍ତମାନଙ୍କ ଉପରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ, ସାମ୍ବାଦିକଙ୍କ ସୁରକ୍ଷା ପାଇଁ ସ୍ବତନ୍ତ୍ର ଆଇନ ପ୍ରଣୟନ ଆଦି ୪ଦଫା ଦାବି ନେଇ ତହସିଲଦାର ପଣ୍ଡାଙ୍କୁ ଦାବିପତ୍ର ପ୍ରଦାନ କରାଯାଇଥିଲା। ଏହି ଦାବିପତ୍ର ପ୍ରଦାନ ବେଳେ ସତ୍ୟନାରାୟଣ ମିଶ୍ର, ରବିନାରାୟଣ ପୂଜାରୀ, ଅମୂଲ୍ୟ ସୁନ୍ଦରା, ଋତୁ ରଞ୍ଜନ ମିଶ୍ର, ତନୁଜ ସାହୁ, ଶଙ୍କର୍ଷଣ ସାହୁ, କାଳୁଚରଣ ସାହୁ, ଦେବାଶିଷ ଦାସ ଉପସ୍ଥିତ ଥିଲେ।