ବଇଣ୍ଡା,୧୩।୧୦(ଡି.ଏନ.ଏ.): କିଶୋରନଗର ବ୍ଲକ ନାକିଚି ପଞ୍ଚାୟତ ବଡ଼ଡଙ୍ଗିଆଣୀ ଗ୍ରାମରେ ରବିବାର ଅପରାହ୍ନରେ ମହୁମାଛି ଆକ୍ରମଣରେ ବଡ଼ଡଙ୍ଗିଆଣୀ ଗ୍ରାମର ଦୁଃଶନ୍ତ ସାହୁ, ଗୁଦୁ ସାହୁ, ମହେଶ୍ୱର ସାହୁ, ଅର୍ପନା ବେହେରା, ଅତୁଲ୍ୟ ପ୍ରଧାନ, ସୁଶୀଳ ବେହେରା, ବାପୁଜୀ ସେଠୀ, ମାଙ୍କଡ଼ଚୁଆ ଗ୍ରାମର ଶତ୍ରୁଘ୍ନ ସେଠୀ, ଭଜ ମିର୍ଦ୍ଧା, ଦିନବନ୍ଧୁ ଦେହୁରୀ, ଏକାଦଶୀ ପ୍ରଧାନ, ଅଜିତ୍ ସେଠୀ, କୁନା ମିର୍ଦ୍ଧା, ପ୍ରଶାନ୍ତ ପ୍ରଧାନ ସମେତ ୩୦ରୁ ଊର୍ଦ୍ଧ୍ୱ ଅଞ୍ଚଳବାସୀ ଗୁରୁତର ହୋଇଛନ୍ତି। ସେମାନଙ୍କୁ ଚିକିତ୍ସା ପାଇଁ ରେଢାଖୋଲ ଡାକ୍ତରଖାନାରେ ଭର୍ତ୍ତି କରାଯାଇଛି।
ଘଟଣାରୁ ଜଣାପଡ଼ିଛି, ବଡ଼ଡଙ୍ଗିଆଣୀ ଗ୍ରାମରେ ଲକ୍ଷ୍ମୀପୂଜା ପାଳନ କରିବା ପାଇଁ ନିକଟସ୍ଥ ନାଳକୁ ପାଣି ଆଣିବା ପାଇଁ ୫୦ରୁ ଊର୍ଦ୍ଧ୍ୱ ଗ୍ରାମବାସୀ ଯାଉଥିବାବେଳେ ହଠାତ୍ ନାଳ ନିକଟରେ ଥିବା ଏକ ଶାଳଗଛରୁ ମହୁମାଛି ଆସି ଆକ୍ରମଣ କରିଥିଲେ।