କେନ୍ଦୁଝର,୨୬ା୪ (ସ୍ବ.ପ୍ର.)-ସଦର ଥାନା ଅନ୍ତର୍ଗତ କଣ୍ଡରାପଶି ଗ୍ରାମରେ ଚୋରା ଦେଶୀ ମହୁଲି ମଦ କାରବାର ବେଧଡ଼କ ଭାବେ ଚାଲିଥିଲା। ପୋଲିସ ଖବର ପାଇ ଉକ୍ତ ସ୍ଥାନରେ ଚଢ଼ାଉ କରି ମୁନା ନାମକ ଜଣେ ବେପାରୀକୁ ଗିରଫ କରିିଛି। ଏଥିରେ ସମ୍ପୃକ୍ତ ବେପାରୀ ଜଣକ ପର୍ଜନପୁର ପଞ୍ଚାୟତର କସିରା ଅଞ୍ଚଳରୁ ବୋତଲ ପିଛା ୬୦ଟଙ୍କାରେ ମହୁଲୀ ମଦ କିଣି ଆଣି ଏଠାରେ ୯୦ଟଙ୍କା ଦରରେ ବିକ୍ରି କରୁଥିଲେ। ତେଲିବନ୍ଧ ନିକଟରେ ଉକ୍ତ ମଦ ବିକ୍ରି ଚାଲିଥିବା ବେଳେ ସଦର ଥାନା ପୋଲିସକୁ ସ୍ଥାନୀୟ ମହିଳା ମାନେ ସୂଚନା ଦେଇଥିଲେ। ଫଳରେ ରବିବାର ଅପରାହ୍ନ ପ୍ରାୟ ୫ଟା ସମୟରେ ପୋଲିସ ଚଢ଼ାଉ କରି ବିପୁଳ ପରିମାଣର ମଦ ଜବତ ଜବତ କରିବା ସହ ଉକ୍ତ ଚୋରା କାରବାରରେ ସମ୍ପୃକ୍ତ ମଦ ବେପାରୀଙ୍କୁ ଗିରଫ କରିଥିଲା।