ମୁମ୍ବାଇ: କରୋନା ଭାଇରସ ସଂକ୍ରମଣକୁ ନେଇ କିଛିଦିନ ହେବ ବଲିଉଡ୍ର ସେଲିବ୍ରିଟିମାନେ ଏକ ପ୍ରକାର ଘରେ ବନ୍ଦ ହୋଇ ରହିଛନ୍ତି କହିଲେ ଚଳେ। ଏହି ସମୟରେ ଏମାନଙ୍କର ବିଭିନ୍ନ ପ୍ରକାର ଆକ୍ଟଭିଟିଜ ସୋସିଆଲ ମିଡିଆରେ ଦେଖିବାକୁ ମିଳିଛି। ଏବେ ବଲିଉଡ୍ ନାୟିକା କ୍ରିତି ସାନନଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଯେଉଁଥିରେ ସେ ତାଙ୍କ ମାଆଙ୍କୁ ନୃତ୍ୟ ଶିଖାଉଥିବା ଦେଖାଯାଇଛି। ଏହି ଫନି ଭିଡିଓଟିକୁ ତାଙ୍କ ଭଉଣୀ ସୋସିଆଲ ମିଡିଆରେ ଶେୟାର କରିଥିବା ଜଣାପଡିଛି। ଭିଡିଓଟି କ୍ରିତିଙ୍କ ପ୍ରଶଂସକଙ୍କୁ ବେଶ୍ ପସନ୍ଦ ଆସିଛି। କିଛିଦିନ ହେବ ଫିଲ୍ମ ଶୁଟିଂ ସହ ଷ୍ଟେଜ ପରଫରମାନ୍ସକୁ କ୍ରିତି ଖୁବ୍ ମିସ୍ କରୁଥିବା ପୂର୍ବରୁ କହିଥିଲେ। ଆଉ ଏବେ ସେ ତାଙ୍କ ଲୁକ୍ସରେ ସାମାନ୍ୟ ପରିବର୍ତ୍ତନ କରିଥିବା ବେଳେ ଘରେ ବସି ବସି ପରିବାର ସଦସ୍ୟଙ୍କ ସହ ସମୟ କାଟୁଛନ୍ତି।