ନ୍ୟୁୟର୍କ,୨।୯(ଏଟିପି): ଷ୍ଟାର ଆମେରିକାନ ଡବଲ୍ସ ଖେଳାଳି ମାଇକ ବ୍ରାୟନଙ୍କୁ ରବିବାର ୟୁଏସ୍ ଓପନ ଟୁର୍ନାମେଣ୍ଟ ପକ୍ଷରୁ ୧୦ ହଜାର ଡଲାର ଜରିମାନା କରାଯାଇଛି। ସେ ଅଫିସିଆଲଙ୍କ ଆଡ଼କୁ ତାଙ୍କ ର଼୍ୟାକେଟକୁ ବନ୍ଧୁକ ଭଳି ପ୍ରଦର୍ଶନ କରିଥିଲେ। ଯାଅଁାଳା ଭାଇଙ୍କ ସହ ଖେଳୁଥିବା ବ୍ରାୟନ ଅମ୍ପାୟରଙ୍କ ତ୍ରୁଟିପୂର୍ଣ୍ଣ ନିଷ୍ପତ୍ତିକୁ ଚ୍ୟାଲେଞ୍ଜ କରି ସଫଳ ହେବା ପରେ ଉଲ୍ଲସିତ ହୋଇ ଏଭଳି କରିଥିଲେ। ଅମ୍ପାୟର ମାରିଆନା ଆଲଭେସ ମାଇକଙ୍କୁ ଅଣଖେଳୁଆଡ଼ ପ୍ରଦର୍ଶନ କରିଥିବା ଦର୍ଶାଇ ଦଣ୍ଡିତ କରିଛନ୍ତି। ଏଥିନେଇ ଆମେରିକୀୟ ଖେଳାଳିଙ୍କୁ ୭.୧୮ ଲକ୍ଷ ଟଙ୍କା ଦେବାକୁ ପଡ଼ିବ। ଚଳିତ ବର୍ଷ ଏପର୍ଯ୍ୟନ୍ତ ପୁରୁଷ ଖେଳାଳିଙ୍କ ଉପରେ ଲାଗିଥିବା ଏହା ସର୍ବାଧିକ ଜରିମାନା। ନିୟମ ଭଙ୍ଗ କରିବା ପାଇଁ ମୁଁ କ୍ଷମାପ୍ରାର୍ଥନା କରୁଛି। ଆମେ ଉକ୍ତ ପଏଣ୍ଟ ପାଇଥିଲୁ। ଉତ୍ସାହିତ ହୋଇ ତାହା କରିଥିଲି ବୋଲି ବ୍ରାୟନ କହିଛନ୍ତି। ୧୬ ଥର ଡବଲ୍ସ ଗ୍ରାଣ୍ଡସ୍ଲାମ ଚାମ୍ପିୟନ ବ୍ରାୟନ ବ୍ରଦର୍ସ ଦ୍ୱିତୀୟ ରାଉଣ୍ଡରେ ୪-୬, ୭-୫, ୬-୩ ସେଟ୍ରେ ସ୍ପେନର ରବର୍ଟୋ କାରବଲେସ ବାନେନା ଓ ଆର୍ଜେଣ୍ଟିନାର ଫେଡେରିକୋ ଡେଲବୋନିସଙ୍କୁ ହରାଇ ଦେଇଛନ୍ତି।
