ମୁମ୍ବାଇ: ଲକ୍ଡାଉନ ପାଇଁ ଏବେ ସବୁ ବଲିଉଡ୍ ଷ୍ଟାର ଘରେ ଏକ ପ୍ରକାର ବନ୍ଦ ହୋଇ ରହିଛନ୍ତି କହିଲେ ଚଳେ। ଆଉ ଏହି ସମୟରେ କିଏ ଭଲ ଭଲ ରୋଷେଇ କରି ଶିଖୁଛି ତ ପୁଣି କିଏ ଘର କାମ କରୁଥିବା ନଜର ଆସିଛି। ଅଭିନେତ୍ରୀ ଭୂମୀ ପେଡନେକର ଏବେ ତାଙ୍କ ମା’ ସୁମିତ୍ରାଙ୍କଠାରୁ କଥକ ନୃତ୍ୟ ଶିଖୁଥିବା କହିଛନ୍ତି। ଏକ ଓ୍ବେବସାଇଟକୁ ଦେଇଥିବା ସାକ୍ଷାତ୍କାରରେ ସେ ଏହା କହିଛନ୍ତି। ତେବେ ବେଶ୍ କିଛିଦିନ ହେବ ଭୂମୀ କଥକ ଶିଖିବାକୁ ଇଚ୍ଛା ପ୍ରକାଶ କରିଥିଲେ ବି ବିଜି ସୁଡ୍ୟୁଲ ଭିତରୁ ସେ ସମୟ କାଢି ପାରୁ ନ ଥିଲେ। ଆଉ ଏବେ ଲକ୍ଡାଉନ ତାଙ୍କୁ ଏହି ସୁଯୋଗ ଦେଇଛି ବୋଲି ସେ କହିଛନ୍ତି। ତାଙ୍କ ମା’ ସୁମିତ୍ରା ପେଡନେକର ଜଣେ କଥକ ନୃତ୍ୟର ପ୍ରଶିକ୍ଷିକା ହୋଇଥିବା ବେଳେ ସେ ସବୁଦିନ ସନ୍ଧ୍ୟାରେ କଥକ ଅଭ୍ୟାସ କରୁଥିବା କୁହନ୍ତି ଭୂମୀ। ଆଉ ଏହାକୁ ଦେଖିବା ପରେ ଏବେ ସେ ମା’ଙ୍କଠାରୁ କଥକ ନୃତ୍ୟ ଶିଖୁଛନ୍ତି ବୋଲି କହିଛନ୍ତି।
