କପ୍ତିପଦା,୩ା୬(ଡି.ଏନ.ଏ)- ମୟୂରଭଞ୍ଜ ଜିଲା କପ୍ତିପଦା ବ୍ଲକ୍ର ମାଙ୍କଡ଼ପଡ଼ା ପଞ୍ଚାୟତରେ ଗତ କିଛି ଦିନ ହେଲା ହାତୀ ଉପଦ୍ରବ ଲାଗି ରହିଛି । ଏଥିନେଇ ଲୋକେ ଭୟଭୀତ ଅବସ୍ଥାରେ ରହିଛନ୍ତି । ଦିନ ଅପେକ୍ଷା ରାତି ହେଲେ ହାତୀ ଚିନ୍ତା ବଢୁଛି। ଉକ୍ତ ପଞ୍ଚାୟତଟି କୁଲଡ଼ିହା ଅଭୟାରଣ୍ୟକୁ ଲାଗି ରହିଥିବାରୁ ହାତୀ ଜନବସତି ମୁହଁ। ହେଉଛନ୍ତି । ୩୧ ତାରିଖ ରାତିଠାରୁ କପ୍ତିପଦାର ଭୋଳାଘାଟି, ଶାଳଘାଟି ଜଙ୍ଗଲରେ ହାତୀଟି ବୁଲୁଥିଲା। ପରେ ମାଙ୍କଡ଼ପଡ଼ାର ଝିଲିରିବଣି, ଭୋଳାଘାଟି, ଗୟଳମରା ଅଞ୍ଚଳରେ ବିଭିନ୍ନ ଲୋକଙ୍କ ଘର ଭାଙ୍ଗିଥିବା ଜାଣାପଡିଛି। କପ୍ତିପଦା ରେଞ୍ଜର ମହେଶ୍ୱର ସିଂଙ୍କ ନେତୃତ୍ୱରେ କପ୍ତିପଦା ଓ ଶାରୀଶୁଆ ଫରେଷ୍ଟର ଏବଂ ବନବିଭାଗ କର୍ମଚାରୀମାନେ ହାତୀର ଗତିବିଧି ଉପରେ ତୀକ୍ଷଣ ନଜର ରଖିଛନ୍ତି । ହାତୀଟି ପଦ୍ମପୋଖରୀ ନିକଟସ୍ଥ ରେକର୍ଡ଼ଚୁଆ ଜଙ୍ଗଲରେ ରହିଥିବା ଜାଣିବାକୁ ମିଳିଛି।